ସିଓଲ,୧।୪: ଦକ୍ଷିଣ କୋରିଆ ବାୟୁ ସେନାର ଦୁଇ ଯୁଦ୍ଧ ବିମାନ ଶୁକ୍ରବାର ଟ୍ରେନିଂ ବେଳେ ମଝି ଆକାଶରେ ପରସ୍ପର ସହ ଧକ୍କା ହୋଇଛନ୍ତି। ଏହି ଦୁର୍ଘଟଣାରେ ୩ ପାଇଲଟ୍ଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି।
ଦୁର୍ଘଟଣାଟି ସଦର୍ନ ସହର ସାଚେଓନସ୍ଥିତ କେଟି-୧ ଯୁଦ୍ଧ ବିମାନ ବେସ ପାଖରେ ଅପରାହ୍ନ ପ୍ରାୟ ୧ଟା ୩୫ରେ ଘଟିଥିଲା। ୩୦ରୁ ଅଧିକ ଅଗ୍ନିଶମ ଗାଡ଼ି ନିଆଁ ଲିଭା ଏବଂ ଉଦ୍ଧାର କାର୍ଯ୍ୟରେ ମୁତୟନ କରାଯାଇଥିବା ଦେଶର ବାୟୁ ସେନା ପକ୍ଷରୁ ବିବୃତିରେ କୁହାଯାଇଛି। ୩ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଅଗ୍ନଶମ ଅଧିକାରୀ ସ୍ପଷ୍ଟ କରିଛନ୍ତି।