କୋରାପୁଟ,୩୦।୪(ସ୍ବ.ପ୍ର.): କୋରାପୁଟ ଜିଲା ବୋରିଗୁମ୍ମା ବ୍ଲକ ଗୁମୁଡା ପଞ୍ଚାୟତ କେନ୍ଦୁଗୁଡା ଗ୍ରାମର ଏକ ବିଲରୁ ୨ଟି ବାଘ ଛୁଆ ଉଦ୍ଧାର ହୋଇଛି। ସୂଚନା ଥାଉକି କିଛି ମହିଳା କେନ୍ଦୁପତ୍ର ସଂଗ୍ରହ କରିବାକୁ ଯାଇ ଏକ ଗାତରେ ଦୁଇଟି ବାଘ ଛୁଆକୁ ଦେଖି ଗ୍ରାମବାସୀଙ୍କୁ ଜଣାଇଥିଲେ। ପରେ ଅଞ୍ଚଳବାସୀଙ୍କ ଭିଡ଼ ଜମିଥିଲା। ହେଲେ ବାଘ ଛୁଆ କେଉଁ ପ୍ରଜାତିର ତାହା ଜଣାପଡ଼ି ନାହିଁ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ବୋରିଗୁମ୍ମା ବନ ବିଭାଗକୁ ଖବର ଦେଇଥିଲା। ବନ ବିଭାଗ ଟିମ୍ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।