ବ୍ୟାଙ୍କକ୍: ଥାଇଲାଣ୍ଡ ରାଣୀ ସୁଥିଡାଙ୍କ ପରି ପୋଷାକ ପିନ୍ଧିବା କାରଣରୁ ଥାଇଲାଣ୍ଡ କୋର୍ଟ ଜଣେ ମହିଳା ସାମାଜିକ କର୍ମୀଙ୍କୁ ଦୁଇବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି। ୨୦୨୦ରେ ରାଜାଙ୍କ ବିରୋଧରେ ବ୍ୟାଙ୍କକ୍ ରାଜରାସ୍ତାରେ ସାଧାରଣ ନାଗରିକଙ୍କ ଦ୍ୱାରା ବିକ୍ଷୋଭ ପ୍ରଦର୍ଶନ କରାଯାଇଥିଲା। ୨୫ ବର୍ଷୀୟା ଜାଟୁପର୍ନ ‘ନ୍ୟୁ’ ସାଇଉଇଙ୍ଗ ରାଣୀଙ୍କ ପରି ଏକ ଗୋଲାପୀ ରଙ୍ଗର ଡ୍ରେସ୍ ପରିଧାନ କରି ରେଡ୍ କାର୍ପେଟରେ ଚାଲିଥିବାବେଳେ ଅନ୍ୟ ପ୍ରଦର୍ଶନକାରୀମାନେ ତଳେ ବସିଥିବାର ଦେଖିବାକୁ ମିଳିଥିଲା। ରାଜ ପରିବାର ସଦସ୍ୟଙ୍କୁ ଅପମାନୀତ କଲା ଭଳି କାର୍ଯ୍ୟ ଅଭିଯୋଗରେ ମୋଟ ୨୧୦ ସାମାଜିକ କର୍ମୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ତେବେ ସେମାନଙ୍କ ମଧ୍ୟରୁ ଜାଟୁପର୍ନଙ୍କୁ ସବୁଠାରୁ କମ୍ ସମୟର ଦଣ୍ଡାଦେଶ ମିଳିଥିବା କୁହାଯାଉଛି। ଥାଇଲାଣ୍ଡରେ ରାଜା, ରାଣୀଙ୍କ ପ୍ରତି ଅପମାନଜନକ ବ୍ୟବହାର ପ୍ରଦର୍ଶନ କଲେ ସମ୍ପୃକ୍ତ ବ୍ୟକ୍ତିଙ୍କୁ ୧୫ ବର୍ଷ ପର୍ଯ୍ୟନ୍ତ ଜେଲ ଦଣ୍ଡାଦେଶ ଦିଆଯିବାର ବ୍ୟବସ୍ଥା ରହିଛି।