କୁତ୍ରା,୨୩ା୩(ଡି.ଏନ୍.ଏ.): ସୁନ୍ଦରଗଡ଼ ଜିଲା କୁତ୍ରା ଥାନା ଅନ୍ତର୍ଗତ ୧୦ ନମ୍ବର ରାଜ୍ୟ ରାଜପଥ ଝାରବେଡ଼ାସ୍ଥିତ ଡାଲମିଆ ମହାବିଦ୍ୟାଳୟ ନିକଟରେ ଏକ ବାଇକ୍ ଦୁର୍ଘଟଣାରେ ଦୁଇଜଣଙ୍କ ମୃତ୍ୟୁ ଘଟିଛି। ମୃତ ଯୁବକ ଦ୍ୱୟ ହେଉଛନ୍ତି ରାଜଗାଙ୍ଗପୁର ବ୍ଲକ ତେତେରକେଲା ଗ୍ରାମର ଶୀତଳ ଲାକ୍ରା (୨୭) ଓ ସୁବାସ ଲାକ୍ରା (୨୨)।
ଘଟଣାରୁ ଜଣାପଡ଼ିଛି ଯେ, ଉଭୟେ ଏକ ବାଇକ୍ ଓଡ଼ି ୧୬ ଜି ୨୮୦୧ ଯୋଗେ ଯାଉଥିବା ବେଳେ ଡାଲମିଆ କଲେଜ ନିକଟରେ ଦୁର୍ଘଟଣାଗ୍ରସ୍ତ ହୋଇ ୪ ଲେନ୍ ବିଶିଷ୍ଟ ରାସ୍ତା ମଝିରେ ଥିବା ଡ୍ରେନ ଭିତରେ ପଡ଼ିଥିଲେ।ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରି କୁତ୍ରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲା। ତେବେ ଏଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି। ପୋଲିସ ଦୁର୍ଘଟଣାର ତଦନ୍ତ କରୁଛି।
