ସାରସକଣା,୬ା୨(ଡି.ଏନ.ଏ.): ଝାଡ଼ଖଣ୍ଡ ବହଡ଼ାଗୋଡ଼ା ବ୍ଲକ ବଡ଼ଶୋଳ ଥାନା ଅନ୍ତର୍ଗତ ଦାରିଶୋଳ ଫରେଷ୍ଟ ଚେକ୍ ଗେଟ୍ ନିକଟରେ ଡମ୍ପର ଧକ୍କାରେ ୨ ଯୁବକଙ୍କ ମୃତ୍ୟୁ ଘଟିଛି। ମୃତକ ଦ୍ୱୟ ମୟୂରଭଞ୍ଜ ଜିଲା ସାରସକଣା ବ୍ଲକ ସାନଚାଟରା ଗ୍ରାମର ସତ୍ୟ ନାରାୟଣ ରାଣା ଏବଂ ତାପସ କୁମାର ମହାପାତ୍ର ବୋଲି ଜଣାପଡ଼ିଛି। ସୋମବାର ଅପରାହ୍ନରେ ଉଭୟେ ବହଡ଼ାଗୋଡ଼ା ପଟୁ ପଶ୍ଚିମବଙ୍ଗ ଅଭିମୁଖେ ଯାଉଥିବା ବେଳେ ଏକ ଡମ୍ପର ସେମାନଙ୍କ ବାଇକ୍କୁ ଧକ୍କା ଦେଇଥିଲା। ସ୍ଥାନୀୟ ଲୋକେ ଗୁରୁତର ଅବସ୍ଥାରେ ଯୁବକ ଦ୍ୱୟଙ୍କୁ ଉଦ୍ଧାର କରି ବହଡ଼ାଗୋଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ପଠାଇଥିଲେ ହେଁ ସେଠାରେ ଡାକ୍ତର ମୃତ ଘୋଷଣା କରିଥିଲେ।
