ଟିକିରି,୧ା୮(ଡି.ଏନ୍.ଏ.): ଓଡ଼ିଶା ଜନଜାଗରଣ ଅଭିଯାନର ରାଜ୍ୟ ସଭାପତି ମଧୁସୁଦନଙ୍କ ନେତୃତ୍ୱରେ ଏକ ଟିମ୍ କାଶୀପୁର ବ୍ଲକର ଝାଡ଼ାବାନ୍ତି ପ୍ରଭାବିତ ଅଞ୍ଚଳ ଗସ୍ତ କରି ମୃତକମାନଙ୍କ ପରିବାରକୁ ସାକ୍ଷାତ କରିଛନ୍ତି। ମୃତକଙ୍କ ପରିବାର ଲୋକେ ଶ୍ରମିକ ଶ୍ରେଣୀର ହୋଇଥିବାରୁ ପ୍ରତ୍ୟେକ ପରିବାରକୁ ୨୦ ଲକ୍ଷ ଟଙ୍କା କ୍ଷତିପୂରଣ ଦିଆଯାଉ ବୋଲି ଦାବି କରିଛନ୍ତି। ଏହି ଟିମ୍ ୨ ଦିନ ଧରି ଅଞ୍ଚଳର ମୁଖ୍ୟ ସମସ୍ୟା ଲୋକଙ୍କ ଠାରୁ ପଚାରି ବୁଝିଥିଲେ।
କାଶୀପୁର ବ୍ଲକରେ ମୃତ୍ୟୁକୁ ରୋକିବା ପାଇଁ ସରକାର ପ୍ରତ୍ୟେକ ପରିବାରଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣ, ନାଳ ନର୍ଦ୍ଦମା ସଫା, ପ୍ରତ୍ୟେକ ଘରେ ଶୌଚାଳୟ ସ୍ଥାପନ ଏବଂ ଗାଁକୁ ପକ୍କାରାସ୍ତା କରନ୍ତୁ ଏବଂ ସମସ୍ତଙ୍କୁ ପକ୍କାଘର ଯୋଗାଇ ଦିଅନ୍ତୁ ବୋଲି ଅଭିଯାନର ସଭାପତି କହିଛନ୍ତି। ଏଥିସହ ଆଗମୀ ଦିନରେ ସଙ୍ଗଠିତ ହୋଇ ଜନ ଆନ୍ଦୋଳନ ମାଧ୍ୟମରେ ଅଞ୍ଚଳକୁ କଲେରା ମୁକ୍ତ କରିବା ସହ ସମସ୍ୟାର ସମାଧାନ ନିମନ୍ତେ ଯୁବକ ଏବଂ ମହିଳାମାନେ ଆନ୍ଦୋଳନର ନେତୃତ୍ୱ ନେବାକୁ ଆହ୍ବାନ କରିଥିଲେ।