ନୂଆଦିଲ୍ଲୀ,୨୩।୨: ଦେଶର ପ୍ରମୁଖ ଫିନ୍ଟେକ୍ ପ୍ଲାଟ୍ଫର୍ମ ଫୋନ୍ ପେ’ର ଅତ୍ୟାଧୁନିକ ସ୍ମାର୍ଟ ସ୍ପିକରର ଶୁଭାରମ୍ଭ ସମ୍ପର୍କରେ ନିକଟରେ ଘୋଷଣା କରାଯାଇଥିଲା। ହେଲେ ଘୋଷଣାର ୬ମାସ ମଧ୍ୟରେ ଫୋନ୍ପେ ପ୍ରାୟ ୨୦ଲକ୍ଷ ସ୍ମାର୍ଟ ସ୍ପିକର ବିଭିନ୍ନ କ୍ଷେତ୍ରରେ ଏହାକୁ ବିତରଣ କରିଥିବା ଜଣାପଡିଛି। ଦେଶର ଅଫ୍ଲାଇନ ବ୍ୟବସାୟୀମାନଙ୍କ ମଧ୍ୟରେ ଉକ୍ତ ଡିଭାଇସଗୁଡ଼ିକ ପାଇଁ ସବୁଠାରୁ ଅଧିକ ଅଭିବୃଦ୍ଧି ଦେଖାଯାଇଛି। ଫୋନ୍ପେର ସ୍ମାର୍ଟ ସ୍ପିକର ବିନା କୌଣସି ହସ୍ତକ୍ଷେପରେ ଗ୍ରାହକଙ୍କ ପେମେଣ୍ଟ ଯାଞ୍ଚ କରିବାରେ ସାହାଯ୍ୟ କରେ ଏବଂ ସେଗୁଡ଼ିକର ଅଡିଓ କନ୍ଫର୍ମେସନ ସ୍ପିଡ୍ କମ୍ପାନୀର ପ୍ଲାଟ୍ଫର୍ମରେ ୩.୫ମିଲିୟନରୁ ଅଧିକ ବ୍ୟବସାୟୀଙ୍କ ପାଇଁ ଅତୁଳନୀୟ ବିଶ୍ୱାସ ଏବଂ ନିର୍ଭରଯୋଗ୍ୟତା ନିର୍ମାଣ କରିବାରେ ସାହାଯ୍ୟ କରିଛି। ପ୍ରତି ମାସ ହାରାହାରି ୭୫କୋଟିରୁ ଅଧିକ କାରବାରର ବୈଧତା ପାଇଁ ଫୋନ୍ପେ ସ୍ମାର୍ଟସ୍ପିକର ବ୍ୟବହାର କରାଯାଉଛି।
ଏ ସମ୍ପର୍କରେ ଫୋନପେର ଅଫ୍ଲାଇନ ବ୍ୟବସାୟ ମୁଖ୍ୟ ବିବେକ ଲୋହଚେବ କହିଛନ୍ତି, ରେକର୍ଡ ସମୟରେ ସାରା ଦେଶରେ ୨୦ଲକ୍ଷରୁ ଅତ୍ଧକ ସ୍ମାର୍ଟ ସ୍ପିକର ଯୋଗାଇବା ଫୋନ୍ପେର ସର୍ବୋଚ୍ଚ କାର୍ଯ୍ୟଦକ୍ଷତାର ପ୍ରମାଣ । ଫୋନପେ ବ୍ୟବସାୟୀଙ୍କ ଆବଶ୍ୟକତା ପୂରଣ କରିବା ପାଇଁ ସର୍ବଦା ନୂଆ ଉପତ୍ାଦ ଏବଂ କଷ୍ଟମାଇଜ ଅଫର ସୃଷ୍ଟି କରିଥାଏ । ଆମେ ଏହା ଦେଖି ଅତ୍ୟନ୍ତ ଆନନ୍ଦିତ ଯେ ଆମର ସ୍ମାର୍ଟ ସ୍ପିକର ଦେଶର ସମସ୍ତ ଅଞ୍ଚଳ ଏବଂ ସହରରେ ବ୍ୟାପକ ଭାବରେ ଗ୍ରହଣ କରାଯାଉଛି।
