ଅମୀଷା ପଟେଲଙ୍କ ଖୁସି କହିଲେ ନ ସରେ। କାହିଁକି ନା, ଯେଉଁ କଥା ସେ ଚିନ୍ତା କରୁଥିଲେ ତାହା ପୂରଣ ହୋଇଛି। ଅନିଲ ଶର୍ମାଙ୍କ ‘ଗଦ୍ଦର : ଏକ ପ୍ରେମ କଥା’ରେ ସନ୍ନି ଦେଓଲ ଏବଂ ଅମୀଷାଙ୍କୁ ଦେଖିବାକୁ ମିଳିଥିଲା। କେବଳ ସେତିକି ନୁହେଁ, ଏହି ଫିଲ୍ମଟିକୁ ମିଳିଥିଲା ଆଶାତୀତ ସଫଳତା। ଦେଶଭକ୍ତି ଉପରେ ଆଧାରିତ ତଥା ୨୦୦୧ରେ ମୁକ୍ତିଲାଭ କରିଥିବା ଉକ୍ତ ସିନେମାଟି ବକ୍ସ ଅଫିସରେ ରେକର୍ଡ ସୃଷ୍ଟି କରିଥିଲା। ଆଉ ଏବେ ୨୦ବର୍ଷ ପରେ ଏହାର ସିକୁଏଲ୍ ନିର୍ମିତ ହେବାକୁ ଯାଉଛି। ଏହାର ଟାଇଟଲ ରହିଛି ‘ଗଦ୍ଦର-୨’। ଖାସ୍ କଥା ହେଲା, ଏହି ଫିଲ୍ମରେ ସନ୍ନି-ଅମୀଷାଙ୍କୁ ରିପିଟ୍ କରାଯାଉଛି। ଏପରି ଅଫର ସମ୍ପର୍କରେ ଅମୀଷା କହନ୍ତି, ”ଯେତେବେଳେ ମୋତେ ଏ ନେଇ ଜଣାଗଲା ସେତେବେଳେ ମୋ ଖୁସି ବନ୍ଧବାଡ ମାନି ନ ଥିଲା। ସେତେବେଳେ ଏହି ସିନେମାକୁ ଦର୍ଶକ ଗ୍ରହଣ କରିଥିଲେ। ଆଉ ଏବେ ପୁଣି ଥରେ ଏହାର ସିକୁଏଲ ପ୍ରସ୍ତୁତ ହେଉଛି ଆଉ ସେଥିରେ କେବଳ ସନ୍ନି ନୁହନ୍ତି ମୋତେ ମଧ୍ୟ ପୁଣି ଥରେ ଅଭିନୟ କରିବାର ସୁଯୋଗ ମିଳିଛି। ଏହା ନିଶ୍ଚୟ ମୋ ପାଇଁ ଗର୍ବର କଥା।“ ଏହି ଫିଲ୍ମଟି ଆସନ୍ତା ବର୍ଷ ରିଲିଜ ହେବ ବୋଲି ସୋସିଆଲ ମିଡିଆରେ ସୂଚନା ଦେଇଛନ୍ତି ୬୪ବର୍ଷ ବୟସ୍କ ସନ୍ନି।
