ଖଇରା, ୨୦।୯(ଉତ୍କଳବନ୍ଧୁ ପଣ୍ଡା): ବାଲେଶ୍ୱର ଜିଲା ଖଇରା ବ୍ଲକର ଅଚ୍ୟୁତପୁର ଓ ଶ୍ୟାମସୁନ୍ଦରପୁର ପଞ୍ଚାୟତର ୩ ଗ୍ରାମକୁ ସଂଯୋଗ କରୁଥିବା ମୁଣିଦା-ନଛିପୁର ରାସ୍ତା ମଝିରେ ଥିବା ଏକ ପୁରୁଣା ପୋଲ ଦବିଯିବା ଯୋଗୁ ଯାତାୟାତ ଏକପ୍ରକାର ବନ୍ଦ ହୋଇ ପଡିଛି। ଯେଉଁମାନେ ଜରୁରୀ କାମରେ ରାସ୍ତା ପାର ହେଉଛନ୍ତି ସେମାନଙ୍କୁ ଅତ୍ୟନ୍ତ ବିପଦସଂକୁଳ ଅବସ୍ଥାରେ ଯିବାକୁ ପଡୁଛି ା ତୁରନ୍ତ ଯୁଦ୍ଧକାଳୀନ ଭିତ୍ତିରେ ପୋଲ ନିର୍ମାଣ କରିବାକୁ ରାସ୍ତା ଓ ପୋଲ ଉପରେ ନିର୍ଭର କରୁଥିବା ଗୁହାଳଗଡିଆ, ନଛିପୁର ଓ ମୁଣିଦା ଗ୍ରାମର ବାସିନ୍ଦା ଦାବି କରିଛନ୍ତି ା ଉକ୍ତ ରାସ୍ତା ୩ ଗ୍ରାମର ମୁଖ୍ୟରାସ୍ତା ହୋଇଥିବା ବେଳେ ସୋମବାର ରାତିରେ ମଝି ଖମ୍ବଟି ଭାଙ୍ଗିଯିବା କାରଣରୁ ପୋଲ ଦବିଯାଇଥିଲା। ଏ ସମ୍ପର୍କରେ ଗ୍ରାମବାସୀ ଉଭୟ ପଞ୍ଚାୟତର ସରପଞ୍ଚ ଓ ବ୍ଲକ ପ୍ରଶାସନକୁ ଜଣାଇଛନ୍ତି।