ନୂଆଦିଲ୍ଲୀ,୨୬।୧୧ : ନ୍ୟାଶନାଲ ଗ୍ରୀନ ଟ୍ରିବ୍ୟୁନାଲ (ଏନଜିଟି) ନାଗାଲାଣ୍ଡ ଉପରେ ୨୦୦ କୋଟି ଟଙ୍କା ଜରିମାନା ଲାଗୁ କରିଛି। ପରିବେଶକୁ କ୍ଷତି ପହଞ୍ଚାଉଥିବା କଠିନ ଏବଂ ତରଳ ବର୍ଜ୍ୟବସ୍ତୁ ପରିଚାଳନା ନକରିବା ଅଭିଯୋଗରେ ଏହି ଜରିମାନା ଲାଗୁ କରାଯାଇଛି। ଜଷ୍ଟିସ ଆଦର୍ଶ କୁମାର ଗୋଏଲଙ୍କ ନେତୃତ୍ୱରେ ଗଠିତ ବେଞ୍ଚ ନାଗାଲାଣ୍ଡ ସରକାରଙ୍କ ବିରୋଧରେ ଏହି ପଦକ୍ଷେପ ନେଇଛନ୍ତି।
ସୂଚନାନୁସାରେ, ଜଷ୍ଟିସ ଆଦର୍ଶ କୁମାର ଗୋୟଲଙ୍କ ବେଞ୍ଚ ୨୪ ନଭେମ୍ବରରେ ଜରିମାନା ଆଦାୟ ପାଇଁ ଆଦେଶ ଦେଇଛନ୍ତି। ବେଞ୍ଚ କହିଛନ୍ତି ଯେ ସ୍ବରେଜ ନିଷ୍କାସନ ଏବଂ କଠିନ ବର୍ଜ୍ୟବସ୍ତୁ ପରିଚାଳନାରେ ଅଭାବକୁ ବିଚାରକୁ ନେଇ ଆମେ ପ୍ରଦୂଷକ ଦେୟ ନୀତି ଉପରେ ରାଜ୍ୟ ଉପରେ ଏହି ଜରିମାନା ଲାଗୁ କରୁଛୁ।
ବେଞ୍ଚ ଦର୍ଶାଇଛନ୍ତି ଯେ ଆଇନର ଆଦେଶକ ଅବମାନନା ଅଭିଯୋଗରେ ରାଜ୍ୟ ସରକାରଙ୍କ ବିରୋଧରେ ସୁପ୍ରିମକୋର୍ଟ ଏବଂ ଏହି ଟ୍ରିବ୍ୟୁନାଲର ନିର୍ଣ୍ଣୟକୁ ଉଲ୍ଲଂଘନ କରି ତରଳ ଏବଂ କଠିନ ବର୍ଜ୍ୟବସ୍ତୁ ପରିଚାଳନା କରିବାରେ ବିଫଳତା ପାଇଁ ଏହି ପଦକ୍ଷେପ ନିଆଯାଇଛି। ବେଞ୍ଚ ଏହା ମଧ୍ୟ କହିଛନ୍ତି ଯେ ରାଜ୍ୟରେ ବର୍ଜ୍ୟବସ୍ତୁ ପରିଚାଳନା ମୁଖ୍ୟ ସଚିବଙ୍କ ନିର୍ଦ୍ଦେଶ ଅନୁଯାୟୀ ଏହି ଜରିମାନା ଟଙ୍କାକୁ ରିଙ୍ଗ-ଫେନ୍ସ ଆକାଉଣ୍ଟରେ ରଖାଯାଇପାରିବ। କଠିନ ବର୍ଜ୍ୟବସ୍ତୁ ପ୍ରକ୍ରିୟାକରଣ ସୁବିଧା, ପୁରୁଣା ବର୍ଜ୍ୟବସ୍ତୁର ଚିକିତ୍ସା ଏବଂ ସ୍ବରେଜ ଟ୍ରିଟମେଣ୍ଟ ପ୍ଲାଣ୍ଟ ନିର୍ମାଣ ପାଇଁ ଜରିମାନା ଅର୍ଥକୁ ବ୍ୟବହାର କରାଯିବ।
