୨ ହଜାର କୋଟି ଛାତ୍ରବୃତ୍ତି ଦୁର୍ନୀତି, ପଞ୍ଜାବ ସରକାରଙ୍କୁ କେନ୍ଦ୍ର ମାଗିଲା ଜବାବ…
01 ନୂଆଦିଲ୍ଲୀ/ଚଣ୍ଡିଗଡ଼,୨୧।୭ : ପଞ୍ଜାବର ପ୍ରାୟ ୨ ଲକ୍ଷ ଦଳିତ ଛାତ୍ର କଲେଜ ପାଠପଢ଼ା ବନ୍ଦ କରିଛନ୍ତି। କାରଣ ପଞ୍ଜାବ ସରକାର କଲେଜକୁ ୨ ହଜାର କୋଟି ଟଙ୍କାର ଛାତ୍ରବୃତ୍ତି ଦେଇ ନାହାଁନ୍ତି। ଜାତୀୟ ଅନୁସୂଚିତ ଜାତି ଆୟୋଗ କହିଛନ୍ତି ଯେ ଏହି ପରିପ୍ରେକ୍ଷୀରେ ରାଜ୍ୟ ସରକାରଙ୍କୁ ୭ ଦିନ ମଧ୍ୟରେ ଉତ୍ତର ଦେବାକୁ କୁହାଯାଇଛି। ଆୟୋଗର ଅଧ୍ୟକ୍ଷ ବିଜୟ ସାମ୍ପଲା କହିଛନ୍ତି ଯେ କେନ୍ଦ୍ର ସରକାର ଛାତ୍ରବୃତ୍ତିର ଅଂଶକୁ ଜାରି କରିଛନ୍ତି। କିନ୍ତୁ ରାଜ୍ୟ ସରକାର ତାହା କରିନାହାଁନ୍ତି।
ସାମ୍ପଲା କହିଛନ୍ତି ଯେ ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରଣାଳୟ ଏବଂ ପଞ୍ଜାବ ସରକାରଙ୍କ ମଧ୍ୟରେ ନେଇ ଆଲୋଚନା କରାଯାଇଛି। ଏହି ଟଙ୍କା କୁଆଡେ ଗଲା, ଜାଣିବା ଉଚିତ। ଆସନ୍ତା ବୁଧବାର ସୁଦ୍ଧା ସରକାର ଏହାର ଜବାବ ଦେବାକୁ ସମୟ ଦିଆଯାଇଛି।
ଅପରପକ୍ଷରେ ମୁଖ୍ୟମନ୍ତ୍ରୀ ଭଗଓ୍ବନ୍ତ ମନ ଟୁଇଟରରେ ଲେଖିଛନ୍ତି ଯେ ସେ ପୂର୍ବ ସରକାର ସହ ସମ୍ବନ୍ଧିତ ଏହି ଫାଇଲ ତାଙ୍କ ପାଖରେ ପହଞ୍ଚିଛି। ଘରୋଇ କଲେଜକୁ ପାଣ୍ଠି ଜାରି କରିବାରେ ଅନିୟମିତତା ହୋଇଥିବା ଜଣାପଡ଼ିଛି। ଏହି ଦୁର୍ନୀତିର ଯାଞ୍ଚ୍ କରାଯାଉଛି। ଯେଉଁମାନେ ଛାତ୍ରଙ୍କ ଭବିଷ୍ୟତକୁ ବିପଦରେ ପକାଉଛନ୍ତି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମାନ୍ କହିଛନ୍ତି।