ମୁମ୍ବାଇ: ୨୦୧୮ ରେ ରିଲିଜ ହୋଇଥିବା ହିନ୍ଦୀ ସିନେମା ‘ଲୈଲା ମଜନୁ’ ଭୟଙ୍କର ଫ୍ଲଫ୍ ହୋଇଥିଲେ ମଧ୍ୟ ଦୀର୍ଘ ୬ ବର୍ଷ ପରେ ପୁଣିଥରେ ରିଲିଜ ହୋଇ ସୁପରହିଟ୍ ହେବାକୁ ଯାଉଛି। ସିନେମା ଘରେ ଫିଲ୍ମଟି ଫ୍ଲଫ୍ ହୋଇଥିଲେ ମଧ୍ୟ ଓଟିଟି ପ୍ଳାର୍ଟଫର୍ମରେ ଷ୍ଟ୍ରିମିଂ ହେବା ପରେ ଏହା ଯୁବପିଢି ମାନଙ୍କୁ ବେଶ ପସନ୍ଦ ଆସିଥିଲା ଏବଂ ଦର୍ଶକଙ୍କ ମଧ୍ୟରେ ଆଦୃତ ହୋଇଥିଲା। ଏହାପରେ ବିଭିନ୍ନ ସୋସିଆଲ ଏବଂ ରିଲ୍ସ ଜରିଆରେ ସିନେମାର ଛୋଟ ଛୋଟ ଦୃଶ୍ୟ ଭାଇରାଲ ହୋଇଥିଲା।
ଏପରିକି କିଛି ଦର୍ଶକ ସିନେମାଟିକୁ ପୁଣିଥରେ ରିଲିଜ କରିବାକୁ ନିର୍ମାତାଙ୍କୁ ଅନୁରୋଧ କରୁଥିଲେ। ଚଳିତ ମାସରେ ପ୍ରଥମେ କଶ୍ମିରରେ ରିଲିଜ ହୋଇଥିଲା। ସେଠାରେ ସ୍ଥାନୀୟ ଲୋକଙ୍କ ଉତ୍ସାହ ଦେଖିବା ପରେ ଦର୍ଶକଙ୍କ ଆଗ୍ରହକୁ ଦୃଷ୍ଟିରେ ରଖି ଫିଲ୍ମର ସହ ଲେଖକ, ପ୍ରଯୋଜକ ତଥା ପ୍ରସିଦ୍ଧ ନିର୍ଦ୍ଦେଶକ ଇମିତିଆଜ ଅଲି ଫିଲ୍ମର ପୁନଃ ରିଲିଜ ନେଇ ଘୋଷଣା କରିଥିଲେ। ଚଳିତ ମାସ ୯ ତାରିଖରେ ଏହା ପୁଣିଥରେ ସିନେମା ଘରକୁ ଆସିଛି।
ପୁନଃ ରିଲିଜ୍ ହେବାର ପ୍ରଥମ ଦିନରେ (ଅଗଷ୍ଟ ୯) ୩୦ ଲକ୍ଷ ଟଙ୍କା ଆୟ ସହିତ ଆରମ୍ଭ ହୋଇଥିଲା ଏବଂ ଦ୍ୱିତୀୟ ଦିନରେ ୧୧୦ ପ୍ରତିଶତ ବୃଦ୍ଧି ଘଟି ଦୁଇଦିନରେ ସମୁଦାୟ ୧ କୋଟି ଟଙ୍କା ରୋଜଗାର କରିଥିବା ଜଣାପଡିଛି। ଦ୍ୱିତୀୟଥର ରିଲିଜ୍ ହେବାର ପ୍ରଥମ ସପ୍ତାହରେ ପ୍ରାୟ ୨ କୋଟି ଟଙ୍କା ରୋଜଗାର ହେବ ବୋଲି ଆଶା କରାଯାଉଛି। ତେବେ ୨୦୧୮ ରେ, ପ୍ରଥମ ଥର ରିଲିଜ ସମୟରେ ଫିଲ୍ମଟି ଭାରତର ନେଟ ସଂଗ୍ରହରେ ମାତ୍ର ୨.୭୨ କୋଟି ଟଙ୍କା ଏବଂ ବିଶ୍ଵବ୍ୟାପୀ ମୋଟ ୩.୪୦ କୋଟି ଟଙ୍କା ଆୟ ସହିତ ଏହାର ଯାତ୍ରା ଚଳଚ୍ଚିତ୍ର ଶେଷ କରିସାରିଥିଲା ବୋଲି ଇଣ୍ଡଷ୍ଟ୍ରି ଟ୍ରାକର ସାକନିଲକ ରିପୋର୍ଟ କରିଛି।
ତେବେ ସିନେମା ଦ୍ୱିତୀୟ ଥର ରିଲିଜ ହେବା ପରେ ଦର୍ଶକଙ୍କ ଉଚାହା ଦେଖି ପ୍ରତିକ୍ରିୟା ଦେଇଛନ୍ତି ସିନେମାର ମୁଖ୍ୟ ନାୟକ ଅବିନାଶ ତିୱାରୀ। ସିନେମାକୁ ଭଲ ପାଇବା ଦେଇଥିବାରୁ ସେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।