ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍)ର ରବିବାର ଅନୁଷ୍ଠିତ କ୍ୱାଲିଫାୟର-୨ରେ ସନରାଇଜର୍ସ ହାଇଦ୍ରାବାଦକୁ ୧୭ ରନ୍ରେ ହରାଇ ଦିଲ୍ଲୀ କ୍ୟାପିଟାଲ୍ସ ପ୍ରଥମ ଥର ପାଇଁ ଫାଇନାଲରେ ପ୍ରବେଶ କରିବ। ନଭେମ୍ବର ୧୦ରେ ଏହି ଟିମ୍ ଡିଫେଣ୍ଡିଂ ଚାମ୍ପିୟନ୍ ମୁମ୍ବାଇ ଇଣ୍ଡିୟନ୍ସକୁ ସାମ୍ନା କରିବେ।
ପ୍ରଥମେ ବ୍ୟାଟିଂ କରିଥିବା ଦିଲ୍ଲୀ ୨୦ ଓଭରରେ ୩ ଉଇକେଟ୍ ହରାଇ ୧୮୯ ରନ୍ କରିଥିଲା। ଜବାବରେ ହାଇଦ୍ରାବାଦ୍ ୨୦ ଓଭରରେ ୮ ଉଇକେଟ୍ ହରାଇ ୧୭୨ ରନ୍ କରିଥିଲା। ଏହି ମ୍ୟାଚ୍ରେ ଶିଖର ଧଓ୍ବନ ସବୁଠାରୁ ଅଧିକ ଅର୍ଥାତ୍ ୭୮ ରନ୍ କରିଥିଲେ। ତାଙ୍କର ଭଲ ପ୍ରଦର୍ଶନ ପରେ ସୋସିଆଲ ମିଡିଆରେ ସେ ରାତାରାତି ଷ୍ଟାର ପାଲଟିଗଲେ। ତାଙ୍କୁ ନେଇ ପ୍ରଶଂସକମାନେ ସୋସିଆଲ ମିଡିଆରେ ଅନେକ ପ୍ରକାରର ପୋଷ୍ଟ କରୁଛନ୍ତି। ନକ୍ଆଉଟ୍ ମ୍ୟାଟ୍ରେ ୧୯୦ ରନ୍ ଟାର୍ଗେଟ ଦେବା ସବୁଠାରୁ ବଡ଼ କଥା। କିନ୍ତୁ ଦିଲ୍ଲୀ କ୍ୟାପିଟାଲ୍ସ ରବିବାର ଖେଳିଛି…..ବୋଲି ଜଣେ ପ୍ରଶଂସକ ଲେଖିଛନ୍ତି।
ଟିମ୍ର ଏହି ସଫଳତା ପଛରେ ଟିମ୍ରେ ଗବ୍ବରଙ୍କର ସବୁଠାରୁ ବଡ ହାତ ରହିଛି ବୋଲି ଅନ୍ୟଜଣେ ପ୍ରଶଂସକ ଲେଖିଛନ୍ତି।