ନୂଆ ବର୍ଷ ଆରମ୍ଭ ହେବାକୁ ଆଉ ଦିନ କେଇଟା ବାକି। ଏହାକୁ ନେଇ ଏବେଠାରୁ ମନରେ ଅନେକ ପ୍ରଶ୍ନ। ତେବେ ନୂତନ ବର୍ଷ ଗ୍ରହ-ନକ୍ଷତ୍ରଙ୍କ ମଧ୍ୟରେ ଅନେକ ପରିବର୍ତ୍ତନ ନେଇ ଆସୁଛି। ଜ୍ୟୋତିଷଶାସ୍ତ୍ର ଅନୁଯାୟୀ ଗ୍ରହମାନଙ୍କ ମଧ୍ୟରେ ହେଉଥିବା ପରିବର୍ତ୍ତନ ୨ ରାଶି ଜାତକଧାରୀଙ୍କ ଉପରେ ଶୁଭ ପ୍ରଭାବ ପକାଇବ। ଏମାନଙ୍କ ଆର୍ଥିକ ସ୍ଥିତିରେ ସୁଧାର ଆସିବ। ରାଶିଗୁଡ଼ିକ ହେଲା ବୃଷ ଏବଂ ତୁଳା।
୨୦୨୨ରୁ ଏହି ରାଶି ଜାତକଧାରୀଙ୍କ ଆଥିିକ ସ୍ଥିତି ମଜଭୂତ ହେବ। ପୈତୃକ ସମ୍ପତ୍ତିରୁ ମଧ୍ୟ ଧନ ଲାଭ ହେବାର ଯୋଗ ରହିଛି। ଜୀବନରେ ସୁଖ ସମୃଦ୍ଧି ଆସିବ। ଜମିଜମାରେ ନିବେଶ କରିଥିଲେ ଲାଭ ହେବାର ସମ୍ଭାବନା ରହିଛି। ବ୍ୟବସାୟୀଙ୍କ ପାଇଁ ମଧ୍ୟ ଅନୁକୂଳ ସମୟ ରହିଛି। ଭାଗିଦାରୀ କାମରେ ଜବରଦସ୍ତ ଲାଭ ହେବ। ଭାଗ୍ୟ ଆପଣଙ୍କ ସହ ରହିବ।
କୌଣସି କ୍ଷେତ୍ରରେ ନିବେଶ କରିବାକୁ ଚାହୁଁଥିଲେ ଏହି ବର୍ଷ ଅନୁକୂଳ ରହିବ। ଯାନବାହନ ଅଥବା ଜମି କ୍ରୟ କରିପାରନ୍ତି। ବିଶେଷଭାବେ ଅଗଷ୍ଟ ମାସ ଆର୍ଥିକ କ୍ଷେତ୍ରନୁଯାୟୀ ବହୁତ ଶୁଭ ରହିବ।
ବର୍ଷର ଶେଷ ୩ ମାସ ଆପଣଙ୍କ ପାଇଁ ଭଲ ରହିବ। ଏହି ଅବଧି ମଧ୍ୟରେ ହଠାତ ଧନପ୍ରାପ୍ତି ହେବାର ସମ୍ଭାବନା ରହିଛି। ଜୀବନସାଥୀ ଏବଂ ଘର ପରିବାରର ଲୋକଙ୍କ ପୂର୍ଣ୍ଣ ସହଯୋଗ ମିଳିବ। ଯଦି ଚାକିରି ଖୋଜୁଥାନ୍ତି ଏହି ବର୍ଷ ଆପଣଙ୍କ ପାଇଁ ଭଲ ରହିବ। ପଦୋନ୍ନତି ହେବାର ସମ୍ଭାବନା ରହିଛି।