ଜେନେଭା,୨୨।୪: ମିଳିତ ଜାତିସଂଘର ପାଣିପାଗ ବିଭାଗ-ବିଶ୍ୱ ପାଣିପାଗ ବିଭାଗ(ଡବ୍ଲୁଏମଓ) ୨୦୨୨ର ପାଣିପାଗକୁ ନେଇ ତା’ର ଆକଳନ ଜାରି କରିଛି। ଏଜେନ୍ସି କହିଛି ୨୦୨୨ ପାଣିପାଗ ଦୃଷ୍ଟିରୁ ଏତେ ଖରାପ ବର୍ଷ ଥିଲା ଯେ ଲାଗୁଥିଲା ଯେମିତି ଏହି କାରଣ ପାଇଁ ଲୋକେ ଅବ୍ୟବସ୍ଥାର ଶିକାର ହୋଇଥିଲେ। ରିପୋର୍ଟରେ କୁହାଯାଇଛି କି ୨୦୨୨ରେ ସାରା ବିଶ୍ୱ ସାଂଘାତିକ ବନ୍ୟା, ମରୁଡ଼ି ଓ ଲୁ ସହ ସଂଗ୍ରାମ କରିଛି।
ଏବ୍ଲୁଏମଓର ଷ୍ଟେଟ ଅଫ ଗ୍ଲୋବାଲ କ୍ଲାଇମେଟ ୨୦୨୨ ରିପୋର୍ଟ ଅନୁଯାୟୀ, ସମଗ୍ର ବିଶ୍ୱରେ ସମୁଦ୍ରର ଉଷ୍ମତା ଏବଂ ଅମ୍ଳତା ଏହାର ରେକର୍ଡ ସ୍ତରରୁ ଉଚ୍ଚରେ ଥିଲା ଏବଂ ଆଣ୍ଟାର୍କଟିକା ସମୁଦ୍ର ବରଫ ଏବଂ ୟୁରୋପର ବରଫ ଆଲପ୍ସ ଗ୍ଲେସିୟର ସେମାନଙ୍କ ରେକର୍ଡ ନିମ୍ନ ସ୍ତରରେ ପହଞ୍ଚିଥିଲା। ଏହି ରିପୋର୍ଟରେ କୁହାଯାଇଛି କି ବିଶ୍ୱରେ ସମୁଦ୍ରର ଜଳସ୍ତର ବୃଦ୍ଧି ହୋଇଛି। ଏହାସହ ଆଧୁନିକ ରେକର୍ଡ ଗୁଡିକରେ ବାୟୁରେ ଗରମକୁ ଜାବୁଡି ଧରୁଥିବା କାର୍ବନ ଡାଇଅକ୍ସାଇଡ ଓ ମିଥେନର ମାତ୍ରା ଆଧୁନିକ ରେକର୍ଡରେ ସବୁଠାରୁ ଅଧିକ ରହିଛି।
ବିଶ୍ୱ ପାଣିପାଗର ସ୍ଥିତି ପରଖୁଥିବା ବୈଜ୍ଞାନିକ ଯେଉଁମାନେ ଗ୍ଲାସିୟରକୁ ପରଖିଥିଲେ, ସେମାନେ ୨୦୨୨ରେ ପ୍ରାୟ ୧.୩ ମିଟର ଅର୍ଥାତ୍ ୫୧ ଇଞ୍ଚ ପର୍ଯ୍ୟନ୍ତ ବରଫ ତରଳି ଯାଇଥିବା କହିଥିଲେ। ଏହାସହ ଏହା ଇତିହାସରେ ପ୍ରଥମ ଥର ହୋଇଥିଲା କି ସ୍ବିଜରଲ୍ୟାଣ୍ଡର ବରଫ ଗ୍ଲାସିୟରରେ ବି ଗରମ ପାଣିପାଗରେ ଆଦୌ ବରଫ ବଞ୍ଚି ନ ଥିଲା।
