ନୂଆଦିଲ୍ଲୀ,୧୬।୧୨: ଆସନ୍ତା ବର୍ଷ ହେବାକୁ ଥିବା ଲୋକ ସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି ପ୍ରସ୍ତୁତି ଆରମ୍ଭ କରିସାରିଛି। ଏହି ପରିପ୍ରେକ୍ଷୀରେ ବିରୋଧୀ ଦଳର କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ନିର୍ବାଚନ ମଇଦାନରେ ଘେରିବାକୁ ଚେଷ୍ଟା କରିବା ଆରମ୍ଭ କରିଦେଇଛନ୍ତି। ଶୁକ୍ରବାର ଭାଜପା କହିଛି, କେରଳର ନିଜର ଗଠବନ୍ଧନ ସହଯୋଗୀ ଭାରତ ଧର୍ମ ଜନସେନା (ବିଡିଜେଏସ୍)ରୁ ୱାୟନାଡ ଲୋକ ସଭା ଆସନ ନେବ। ଅର୍ଥାତ୍ ୨୦୨୪ରେ ଭାରତୀୟ ଜନତା ପାର୍ଟି ଏହି ଆସନରେ ନିଜର ପ୍ରାର୍ଥୀ ଦେବାକୁ ଚାହୁଁଛି।
ଭାଜପା କେରଳର ସଭାପତି କେ ସୁରେନ୍ଦ୍ରନ କହିଛନ୍ତି , ରାହୁଲ ଗାନ୍ଧୀ କିମ୍ବା ଅନ୍ୟ କୌଣସି ବରିଷ୍ଠ କଂଗ୍ରେସ ନେତା ୱାୟନାଡରୁ ପ୍ରତିଦ୍ୱନ୍ଦ୍ୱିତା କଲେ ମଧ୍ୟ ଏଥର ଭାଜପା ଏହି ଆସନରୁ ପ୍ରାର୍ଥୀ ଦେବ। ବର୍ତ୍ତମାନ ଏହି ସିଟ୍ ଏହାର ସହଯୋଗୀ ପାର୍ଟନର ବିଡିଜେଏସ୍ ସହିତ ଅଛି, କିନ୍ତୁ ଏଥିରୁ ଏହି ଆସନ ନେବାକୁ ଆଲୋଚନା ଚାଲିଛି। ପ୍ରାରମ୍ଭିକ ସ୍ତରର ଆଲୋଚନା ସଫଳ ହୋଇଛି ।