କୋଲକାତା,୨।୮ : କ୍ରିକେଟ କରିଡରରେ ଆଲୋଚନା ଚାଲିଛି ଆଇପିଏଲ ୨୦୨୪ ଭାରତରେ ଖେଳାଯିବ ନାହିଁ। ଯଦିଓ ଟୁର୍ନାମେଣ୍ଟରେ ବହୁତ ସମୟ ଅଛି, କିନ୍ତୁ ୨୦୨୪ ମସିହାରେ ହେବାକୁ ଥିବା ଲୋକସଭା ନିର୍ବାଚନ ଯୋଗୁ ବିସିସିଆଇକୁ ଆଗାମୀ ଆଇପିଏଲ ସିଜିନକୁ ବିଦେଶକୁ ନେବାକୁ ପଡିପାରେ। ବର୍ତ୍ତମାନ ଯଦି ଏହା ହୁଏ, କେଉଁ ଦେଶରେ ମେଗା ଇଭେଣ୍ଟ ଅନୁଷ୍ଠିତ ହେବ? ସେ ନେଇ ଚର୍ଚ୍ଚା ଆରମ୍ଭ ହୋଇଛି।
୨୦୦୯ ମସିହାରେ ଭାରତରେ ଅନୁଷ୍ଠିତ ଲୋକସଭା ନିର୍ବାଚନ ଯୋଗୁଁ, ବିସିସିଆଇ ଦକ୍ଷିଣ ଆଫ୍ରିକାରେ ଆଇପିଏଲ ୨୦୦୯ ଆୟୋଜନ କରିଥିଲା। ବୋର୍ଡ ପ୍ରଥମ ଥର ପାଇଁ ଘରୋଇ ଲିଗ ବିଦେଶକୁ ନେଇଥିଲା। ୨୦୧୪ ମସିହାରେ, ଅଧା ଟୁର୍ନାମେଣ୍ଟ ଭାରତରେ ଏବଂ ବାକି ୟୁଏଇରେ ଅନୁଷ୍ଠିତ ହୋଇଥିଲା। ଏଥି ସହିତ, କରୋନା ମହାମାରୀ ସମୟରେ ୟୁଏଇରେ ଆଇପିଏଲ ୨୦୨୦ ଖେଳାଯାଇଥିଲା। ଏଥି ସହିତ, ବିସିସିଆଇ ଭାରତରେ ଆଇପିଏଲ ୨୦୨୧ ଆୟୋଜନ କରିଥିଲା, କିନ୍ତୁ କରୋନା ମାମଲା ବୃଦ୍ଧି ପରେ ୟୁଏଇରେ ଅଧା ମ୍ୟାଚ ଖେଳାଯାଇଥିଲା। ବର୍ତ୍ତମାନ ନିର୍ବାଚନ ଯୋଗୁ ପୁଣି ଥରେ ଆଇପିଏଲ ୨୦୨୪ ଭାରତ ବଦଳରେ ବିଦେଶରେ ଖେଳାଯିବାର ଆଶଙ୍କା ଦେଖାଦେଇଛି।
ଏବେ ପ୍ରଶ୍ନ ଉଠୁଛି ଯଦି ଆଇପିଏଲ ୨୦୨୪ ଭାରତରେ ଖେଳାଯିବ ନାହିଁ, ତେବେ ବିସିସିଆଇ ଏହାକୁ କେଉଁଠାକୁ ନେବ? ଏଭଳି ପରିସ୍ଥିତିରେ ଟୁର୍ନାମେଣ୍ଟକୁ ୟୁଏଇକୁ ସ୍ଥାନାନ୍ତର କରାଯାଇପାରିବ ବୋଲି କହିବା ଭୁଲ ହେବ ନାହିଁ। ୟୁଏଇରେ ବିସିସିଆଇ ଅନେକ ଥର ଏହି ଟୁର୍ନାମେଣ୍ଟ ଆୟୋଜନ କରିଛି କାରଣ ପ୍ରତ୍ୟେକ ଦେଶ ସହିତ ଏହାର ଭଲ ସମ୍ପର୍କ ଅଛି। ଅପରପକ୍ଷରେ ଷ୍ଟାଡିୟମର ସମସ୍ତ ସୁବିଧା ଅଛି ଏବଂ ୟୁଏଇର ଆତିଥ୍ୟ ମଧ୍ୟ ଉତ୍କୃଷ୍ଟ ଧରଣର। ଏଭଳି ପରିସ୍ଥିତିରେ ଭାରତୀୟ ବୋର୍ଡ ସମସ୍ତ ଘଟଣାକୁ ଦୃଷ୍ଟିରେ ରଖି ଆଇପିଏଲ ୨୦୨୪କୁ ୟୁଏଇକୁ ନେଇପାରେ। କିନ୍ତୁ, ବିସିସିଆଇ ଶେଷ ପର୍ଯ୍ୟନ୍ତ ଭାରତରେ ମ୍ୟାଚ ଖେଳାଯିବା ଲାଗି ଚେଷ୍ଟା କରିବ ବୋଲି ଚର୍ଚ୍ଚା ହେଉଛି।