ପର୍ଥ,୨୨।୧୧: ପର୍ଥ ଟେଷ୍ଟର ପ୍ରଥମ ଦିନରେ ଖେଳ ଶେଷ ହୋଇଛ। ଅଷ୍ଟ୍ରେଲିଆ ପ୍ରଥମ ଇନିଂସରେ ୭ ଉଇକେଟ ହରାଇ ୬୭ ରନ ସଂଗ୍ରହ କରିଛି। ଭାରତ ପ୍ରଥମ ଇନିଂସରେ ୧୫୦ ରନ ସଂଗ୍ରହ କରିଥିଲା। ଫଳରେ ଅଷ୍ଟ୍ରେଲିଆ ଏବେ ୮୩ ରନ ପଛରେ ରହିଛି। ଭାରତୀୟ ବ୍ୟାଟିଂ ଫ୍ଲପ ହୋଇ ୧୫୦ ରନରେ ଅଲଆଉଟ ହେବା ପରେ ଲାଗୁଥିଲା ଯେ, ଅଷ୍ଟ୍ରେଲିଆ ନିୟନ୍ତ୍ରଣରେ ଅଛି, କିନ୍ତୁ ଅଷ୍ଟ୍ରେଲିଆର ପ୍ରଥମ ଇନିଂସ ଆହୁରି ଖରାପ ଥିଲା। ଏପର୍ଯ୍ୟନ୍ତ କୌଣସି କଙ୍ଗାରୁ ବ୍ୟାଟ୍ସମ୍ୟାନ ୨୦ ଅଙ୍କରୁ ଅଧିକ ଯିବାକୁ ସକ୍ଷମ ହୋଇ ନାହାଁନ୍ତି। ଜସପ୍ରୀତ ବୁମ୍ରା ଏପର୍ଯ୍ୟନ୍ତ ଭାରତ ପାଇଁ ୪ଟି ଉଇକେଟ ନେଇଛନ୍ତି। ପ୍ରଥମ ଦିନରେ ଦ୍ରୁତ ବୋଲରମାନେ ପ୍ରାଧାନ୍ୟ ବିସ୍ତାର କରିଥିଲେ। ମୋଟ ୨୧୭ ରନ ସ୍କୋର କରାଯାଇଥିଲା ଏବଂ ୧୭ ଉଇକେଟ ପଡିଥିଲା।
ଅଷ୍ଟ୍ରେଲିଆ ଦଳ ପ୍ରଥମ ଇନିଂସରେ ୭ ଉଇକେଟ୍ ହରାଇ ୬୭ ରନ୍ କରିଛି। ଆଲେକ୍ସ କେରେ ଏବଂ ମିଚେଲ ଷ୍ଟାର୍କ କ୍ରିଜରେ ଅଛନ୍ତି। ଭାରତ ପକ୍ଷରୁ ଜଶପ୍ରୀତ ବୁମ୍ରା ଚମତ୍କାର ବୋଲିଂ କରି ୪ ଉଇକେଟ୍ ନେଇଥିଲେ।
ପ୍ୟାଟ କମିନ୍ସ (୩) ବୁମରାଙ୍କ ଦ୍ୱାରା ଆଉଟ୍ ହୋଇଥିଲେ। ଏହାପୂର୍ବରୁ ମାର୍ନୁସ ଲାବୁସାଗ୍ନେ (୨), ମିଚେଲ ମାର୍ଶ (୬), ଟ୍ରାଭିସ ହେଡ (୧୧), ଷ୍ଟିଭ ସ୍ମିଥ (୦), ଉସମାନ ଖ୍ବାଜା (୮ ରନ) ଏବଂ ନାଥାନ ମ୍ୟାକସ୍ବେନି (୧୦ ରନ) ଆଉଟ ହୋଇଥିଲେ। ଏପର୍ଯ୍ୟନ୍ତ ଜସପ୍ରୀତ ବୁମ୍ରା ୪ଟି ଉଇକେଟ ନେଇଥିବା ବେଳେ ମହମ୍ମଦ ସିରାଜ ଭାରତ ୨ ଉଇକେଟ ନେଇଛନ୍ତି। ହର୍ଷିତ ରାଣା ୧ ଉଇକେଟ ପାଇଥିଲେ।
ଟିମ ଇଣ୍ଡିଆ ଟସ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା, କିନ୍ତୁ ଦଳର ପ୍ରାରମ୍ଭିକ ବ୍ୟାଟିଂ ବିର୍ଯ୍ୟୟ ଘଟିଥିଲା। ୭୩ ରନ ସ୍କୋର କରି ଦଳ ୬ ଉଇକେଟ ହରାଇଥିଲା। ଯଶସ୍ବୀ ଜୟସ୍ବାଲ ଏବଂ ଦେବଦତ୍ତ ପଡିକଲ ଖାତା ଖୋଲିପାରି ନ ଥିଲେ। ବିରାଟ କୋହଲି ୫ ରନ ସ୍କୋର କରିବା ପରେ ଧ୍ରୁବ ଜୁରେଲ ୧୧ ରନ ସ୍କୋର କରିବା ପରେ ଏବଂ ୱାଶିଂଟନ ସୁନ୍ଦର ୪ ରନ ସ୍କୋର କରିବା ପରେ ଆଉଟ ହୋଇଥିଲେ।
ଡେବ୍ୟୁଟାଣ୍ଟ ନୀତୀଶ ରେଡ୍ଡୀ ୪୧ ରନ (୫୯ବଲ) ଏବଂ ଉଇକେଟ କିପର ବ୍ୟାଟ୍ସମ୍ୟାନ ରିଷଭ ପନ୍ତ ୭୮ ବଲରେ ୩୭ ରନ ସଂଗ୍ରହ କରିଥିଲେ। ସପ୍ତମ ଉଇକେଟ ପାଇଁ ଉଭୟଙ୍କ ମଧ୍ୟରେ ୪୮ ରନ ଭାଗିଦାରୀ ହୋଇଥିଲା। କେ.ଏଲ ରାହୁଲ ୭୪ ବଲରେ ୨୬ ରନ କରିଥିଲେ। ଜୋଶ ହାଜଲେଉଡ ଅଷ୍ଟ୍ରେଲିଆରୁ ୪ ଉଇକେଟ ନେଇଥିଲେ। ପ୍ୟାଟ କମିନ୍ସ, ମିଚେଲ ମାର୍ଶ ଏବଂ ମିଚେଲ ଷ୍ଟାର୍କ ୨-୨ ଉଇକେଟ ନେଇଥିଲେ।