ନୂଆଦିଲ୍ଲୀ,୨୦।୧୧ : ଶ୍ରୀଲଙ୍କା ୨୨ ଜଣ ଭାରତୀୟ ଧୀବରଙ୍କୁ ମୁକ୍ତ କରିଛି, ଯେଉଁମାନେ ରବିବାର ପମ୍ବାନ ଦେଇ ନିଜ ଦେଶକୁ ଫେରିଛନ୍ତି। ସେମାନଙ୍କ ପରିବାର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ କୃତଜ୍ଞତା ଜଣାଇଛନ୍ତି, କାରଣ ତାଙ୍କ ଉଦ୍ୟମ ଦ୍ୱାରା ହିଁ ଭାରତୀୟଙ୍କ ମୁକ୍ତି ସମ୍ଭବ ହୋଇପାରିଛି। ଏଥି ସହ ମନ୍ତ୍ରୀ ସୀତାରମଣ ଶ୍ରୀଲଙ୍କାରୁ ମୁକ୍ତ ହୋଇଥିବା ଭାରତୀୟଙ୍କ ପରିବାରକୁ ମଧ୍ୟ ଆଶ୍ୱାସନା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନେତୃତ୍ୱାଧୀନ ଭାଜପା ସରକାର ତାମିଲଙ୍କ ଆଗ୍ରହକୁ ସର୍ବଦା ପ୍ରାଥମିକତା ଦେଇଆସୁଛନ୍ତି ଏବଂ ଭବିଷ୍ୟତରେ ମଧ୍ୟ ସମାନ ହେବ, ବର୍ତ୍ତମାନଠାରୁ ସତର୍କ ରୁହ ଏବଂ ନିଜ ଦେଶକୁ ସୁରକ୍ଷା ଦିଅ। ଦେଶର ସୀମା ମଧ୍ୟରେ କାମ କର ।
ଗଣମାଧ୍ୟମ ରିପୋର୍ଟ ଅନୁଯାୟୀ, ତାମିଲନାଡୁର ରାମେଶ୍ୱରାମରେ ରହୁଥିବା ୨୨ ଜଣ ଧୀବର ଡଙ୍ଗା ସାହାଯ୍ୟରେ ମାଛ ଧରିବାକୁ ଯାଇଥିଲେ, କିନ୍ତୁ ସେମାନେ ବାଟବଣା ହୋଇ ଶ୍ରୀଲଙ୍କା ସୀମାରେ ପ୍ରବେଶ କରିଥିଲେ। ଶ୍ରୀଲଙ୍କା ନୌସେନା ଧୀବରଙ୍କୁ ଗିରଫ କରିଥିଲା। ସେମାନଙ୍କ ଡଙ୍ଗା ଜବତ କରାଯାଇଥିଲା ଏବଂ ସେମାନଙ୍କୁ ମଧ୍ୟ ପଚରାଉଚରା କରାଯାଇଥିଲା। ଶ୍ରୀଲଙ୍କା ନୌ ସେନା ଅଭିଯୋଗ କରିଥିଲା ସେମାନେ ସୀମା ପାର କରି ମାଛ ଧରିବାକୁ ଚେଷ୍ଟା କରିଛନ୍ତି। ଏହି ସମୟରେ ଅର୍ଥମନ୍ତ୍ରୀ ସୀତାରମଣ ଏକ କାର୍ଯ୍ୟକ୍ରମ ସଂପର୍କରେ ରମେଶ୍ୱରାମକୁ ଆସିବା ପରେ ଧୀବର ଙ୍କ ପରିବାର ତାଙ୍କ ସହ କଥା ହୋଇଥିଲେ।
ଅର୍ଥମନ୍ତ୍ରୀ ଶ୍ରୀଲଙ୍କା ଦୂତାବାସ ସହିତ ଯୋଗାଯୋଗ କରି ଏ ସମ୍ପର୍କରେ ସୂଚନା ଦେଇଥିଲେ। ମତ୍ସ୍ୟଜୀବୀଙ୍କୁ ମୁକ୍ତ କରିବାକୁ ସେ ଶ୍ରୀଲଙ୍କା ସରକାରଙ୍କୁ ଅନୁରୋଧ କରିଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ଶ୍ରୀଲଙ୍କା ନୌସନା ଅର୍ଥମନ୍ତ୍ରୀଙ୍କଠାରୁ ନିଶ୍ଚିତତା ପାଇବା ପରେ ମତ୍ସ୍ୟଜୀବୀଙ୍କୁ ମୁକ୍ତ କରିଥିଲା। ସେମାନଙ୍କୁ ସେମାନଙ୍କର ଡଙ୍ଗା ମଧ୍ୟ ଫେରାଇ ଦିଆଯାଇଥିଲା। ଏହା ପରେ ସେମାନେ ନିଜ ଦେଶକୁ ଫେରି ଆସିଥିଲେ। ଶ୍ରୀଲଙ୍କା ନୌସେନା ଧୀବରଙ୍କୁ ଅନ୍ତର୍ଜାତୀୟ ସାମୁଦ୍ରିକ ସୀମା ଲାଇନକୁ ଆଣି ପରେ ସେମାନଙ୍କୁ ଭାରତୀୟ ତଟରକ୍ଷୀ ବାହିନୀକୁ ହସ୍ତାନ୍ତର କରିଥିଲା।
No operation Ajays and airlifts for our fisherman, while TN govt has been urging the govt to secure the release of 64 Indian fishermen from Sri Lanka, Latter has arrested 22 more yesterday on charge of poaching and seized boats. This is recurring issue but no permanent solution.
— Poonam Sharma 🇮🇳 (@_alps) November 19, 2023
