ସୁନ୍ଦରଗଡ଼,୧୮ା୫(ଡି.ଏନ୍.ଏ.): ଗୁରୁବାର ଚଳିତ ବର୍ଷର ମାଟ୍ରିକ ପରୀକ୍ଷା ରେଜଲ୍ଟ ପ୍ରକାଶ ପାଇଛି। ଗତଥର ଅପେକ୍ଷା ଚଳିତ ବର୍ଷ ଭଲ ରେଜଲ୍ଟ ହୋଇଥିବା ବୋର୍ଡ ସୂତ୍ରରୁ ପ୍ରକାଶ। ଚଳିତ ବର୍ଷ ରାଜ୍ୟରେ ମୋଟ୍ ପାସ୍ ହାର ୯୬.୪ ପ୍ରତିଶତ ଥିବା ବେଳେ ସୁନ୍ଦରଗଡ଼ ଜିଲାରେ ମୋଟ୍ ୨୨,୬୬୯ ଜଣ ପିଲା ଫର୍ମ ଫିଲପ୍ କରିଥିଲେ। ସେଥିରୁ ୪୧୦ ଜଣ ଅନୁପସ୍ଥିତ ଥିଲେ। ୨୨୫୫୯ ପିଲା ପରୀକ୍ଷା ଦେଇଥିଲେ। ସେଥିମଧ୍ୟରୁ ୨୨,୩୭୦ ଛାତ୍ରୀଛାତ୍ର ପାସ୍ କରିଛନ୍ତି। ଏଥିରୁ ୧୦,୫୫୪ ଜଣ ଛାତ୍ର ଏବଂ ୧୧୮୧୬ ଜଣ ଛାତ୍ରୀ ରହିଛନ୍ତି। ଜିଲାରେ ମୋଟ୍ ପାସ୍ ହାର ୯୭.୩୯ ରହିଛି। ୧୮୧ ଜଣ ପିଲା ଫେଲ୍ ହୋଇଥିବା ବେଳେ ୮ ଜଣ ପିଲା ମାଲ୍ ପ୍ରାକ୍ଟିସ ହୋଇଛନ୍ତି।
ଗ୍ରେଡ୍ ଏ-୧ରେ ୮୪ ଜଣ, ଗ୍ରେଡ୍ ଏ-୨ରେ ୧୦୧୯, ବି-୧ରେ ୩୩୫୨ ଜଣ, ବି-୨ରେ ୫୯୯୦ ଜଣ, ସି’ରେ ୬୧୨୫ ଜଣ, ଡି’ରେ ୪୦୨୭ ଜଣ ଏବଂ ଇ’ରେ ୧୭୭୩ ଜଣ ପିଲା ପାସ୍ କରିଛନ୍ତି।