କରଞ୍ଜିଆ,୧୩ା୩: ଅନୁଗୋଳରୁ ଭାୟା ରାଇରଙ୍ଗପୁର ଦେଇ ବାରିପଦା ଯାଉଥିବା ଏକ ସରକାରୀ ବସ୍ରୁ ୨୩ କେଜି ଗଞ୍ଜେଇ ଜବତ ହୋଇଛି। ଯଶିପୁର ବସ୍ ଷ୍ଟାଣ୍ଡରୁ ପୋଲିସ ଏହି ଗଞ୍ଜେଇ ଜବତ କରିବା ସହ ୩ ଜଣଙ୍କୁ ଅଟକ ରଖିଛି। କରଞ୍ଜିଆ ଏସ୍ଡିପିଓ ସୁଦର୍ଶନ ଗାଙ୍ଗୋଇ ବିଶେଷ ସୂତ୍ରରୁ ଗଞ୍ଜେଇ ଚୋରା ଚାଲାଣ ହେଉଥିବା ସମ୍ପର୍କରେ ଜାଣିବା ପରେ ଯଶିପୁର ପୋଲିସକୁ ଖବର କରିଥିଲେ। ପୋଲିସ ବସ୍ଷ୍ଟାଣ୍ଡରେ ପୂର୍ବରୁ ଛପି ରହିଥିବାବେଳେ ସରକାରୀ ବସ୍ ଆସିବା କ୍ଷଣି ଚଢ଼ାଉ କରିଥିଲେ। ଜବତ ଗଞ୍ଜେଇର ଆନୁମାନିକ ମୂଲ୍ୟ ୧ ଲକ୍ଷ ୩୦ ହଜାର ଟଙ୍କା ହେବ। ଏସ୍ଡିପିଓ ଗାଙ୍ଗୋଇ,ଯଶିପୁର ତହସିଲଦାର କ୍ରିସେନସିଆ ତୀର୍କୀ, ଯଶିପୁର ଥାନା ଅଧିକାରୀ ପଞ୍ଚାନନ ମହାନ୍ତି ଚଢ଼ାଉ ବେଳେ ଉପସ୍ଥିତ ଥିଲେ।
