ଗଞ୍ଜାମ,୨୪ା୫(ଡି.ଏନ୍.ଏ.): କରୋନା ପାଇଁ ସବୁଆଡ଼େ ମଦ ଦୋକାନ ବନ୍ଦ ରହିଛି। ଚୋରା ଲୁଚାରେ ମଦ ବିକ୍ରି ହେଉଥିବା ନେଇ ଗଞ୍ଜାମ ସହରରେ ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି। ଶନିବାର ଅବକାରୀ ବିଭାଗ ପକ୍ଷରୁ ବ୍ରାହ୍ମଣଢମଣା ସାହିରେ ଜଣେ ବିଧବା ବୃଦ୍ଧାଙ୍କ ଘରେ ଚଢ଼ାଉ ହୋଇଥିଲା। ମଦ ମିଳି ନ ଥିବାରୁ ନିରାଶ ହୋଇ ଫେରିବାକୁ ପଡ଼ିଥିଲା ଅବକାରୀ କର୍ମଚାରୀଙ୍କୁ। ତେବେ ଏହାକୁ ନେଇ ସାହିରେ ଉତ୍ତେଜନା ଦେଖା ଦେଇଥିଲା । ସାହି ଯୁବକମାନେ ଅବକାରୀ ଗାଡ଼ି ସମ୍ମୁଖରେ ଛିଡ଼ା ହୋଇ ପ୍ରତିବାଦ କରିଥିଲେ। ଅବକାରୀ କର୍ମଚାରୀ ବୁଝାସୁଝା ପରେ ପରିସ୍ଥିତି ଶାନ୍ତ ପଡ଼ିଥିଲା। ଏଠାରେ ମଦ ବିକ୍ରି ହେଉଥିବା ସ୍ଥାନୀୟ ଅଞ୍ଚଳର ଜଣେ ଲୋକ ଫୋନ୍ ଯୋଗେ ବାରମ୍ବାର ଅଭିଯୋଗ କରୁଥିବା ଅବକାରୀ ବିଭାଗର କର୍ମଚାରୀମାନେ କହିଥିଲେ।
