ଓ୍ବାଶିଂଟନ୍:ଜଳବାୟୁ ପରିବର୍ତ୍ତନ, ବିଶ୍ୱତାପନ, ପ୍ରାକୃତିକ ବିପର୍ଯ୍ୟୟ, ଯୁ୍ଦ୍ଧ ଆଦି ବିଭିନ୍ନ କାରଣରୁ ପୃଥିବୀ ବିନାଶ ମୁହଁା ହେବାରେ ଲାଗିଛି। ଏଥିରେ ବ୍ୟଥିତ ହୋଇ ଜଣେ ଅରବପତି ତାଙ୍କ ୩ ବିଲିୟନ ଡଲାର (ପ୍ରାୟ ୨୪ ହଜାର କୋଟି ଟଙ୍କା)ମୂଲ୍ୟର କମ୍ପାନୀକୁ ଏକ ଅଣଲାଭକାରୀ ସଂସ୍ଥା (ଏନ୍ଜିଓ)କୁ ଦାନ କରିଛନ୍ତି। ସେ ହେଲେ ଆମେରିକୀୟ ବ୍ୟବସାୟୀ ୟୋଭନ୍ ଚୌଇନାର୍ଡ। ୮୩ ବର୍ଷୀୟ ପରିବେଶବିତ୍ ତଥା ଫିଲାନ୍ଥ୍ରୋପିଷ୍ଟ ତାଙ୍କ ଆଉଟ୍ଡୋର୍ କ୍ଲଥିଙ୍ଗ କମ୍ପାନୀ ପାଟାଗୋନିଆକୁ ଚାରିଟିକୁ ଦାନ କରିଥିବା ଏହାର ଓ୍ବେବ୍ସାଇଟ୍ରେ ପୋଷ୍ଟ କରି ଘୋଷଣା କରିଛନ୍ତି।
ଅନୁସାରେ, ଚୌଇନାର୍ଡ ୧୯୭୩ରେ ପାଟାଗୋନିଆ ପ୍ରତିଷ୍ଠା କରିଥିଲେ। ଏହାର ମୁଖ୍ୟାଳୟ କାଲିଫର୍ନିଆରେ ରହିଛି। ୧୦ ଦେଶରେ କମ୍ପାନୀର ଶତାଧିକ ଷ୍ଟୋର ରହିଛି। ୧୬ ଦେଶରେ ଏହାର ନିଜର ଫ୍ୟାକ୍ଟ୍ରି ଅଛି। ଚୌଇନାର୍ଡ ଜଣେ ପରିବେଶ ପ୍ରେମୀ ଭାବେ ଜଣା। ପରିବେଶ ସୁରକ୍ଷା ଦିଗରେ ତାଙ୍କର ଅନେକ କାର୍ଯ୍ୟ ପାଇଁ ସେ ଲୋକପ୍ରିୟତା ହାସଲ କରିଛନ୍ତି। ପାଟାଗୋନିଆର ଓ୍ବେବ୍ସାଇଟ୍ରେ ସେ କମ୍ପାନୀ ଦାନ କରିବା ନେଇ ଲେଖିଛନ୍ତି, ପୃଥିବୀ ହିଁ ଆମର ଏକମାତ୍ର ଶେୟାରହୋଲ୍ଡର। ବିଶ୍ୱତାପନ, ଜୈବ ବିବିଧତା ନଷ୍ଟ ହେଉଥିବା ଆମେ ପାଖରୁ ଦେଖୁଛେ। ଏସବୁକୁ ରୋକିବା ପାଇଁ ଆମ ଅବଦାନ ଜରୁରୀ। ପାଟାଗୋନିଆ ଏହାର ଦାୟିତ୍ୱ ତୁଲାଇବ ବୋଲି ସେ କହିଛନ୍ତି। ଦାନ ପରେ କମ୍ପାନୀ ଏହାର ପୋଷାକ ତିଆରି ଜାରି ରଖିବ। ଏଥିରୁ ବାହାରିବାକୁ ଥିବା ସମସ୍ତ ଲାଭ ପରିବେଶ ସୁରକ୍ଷା ଦିଗରେ ଲାଗିବ।
