ସିଓଲ,୧୯।୭: ଦକ୍ଷିଣ କୋରିଆ ଯୁଦ୍ଧପୋତରେ କରୋନା ସଂକ୍ରମଣ ହୋଇଛି। ଯୁଦ୍ଧପୋତର ୨୪୭ ସଦସ୍ୟଙ୍କ ନମୁନା ରିପୋର୍ଟ କରୋନା ପଜିଟିଭ୍ ଆସିଛି। ଯୁଦ୍ଧପୋତ ମୁନ୍ମୁ ଦ ଗ୍ରେଟ୍ରେ ସମ୍ପ୍ରତି ୩୦୧ ଜଣ ସଦସ୍ୟ ରହିଛନ୍ତି। ସେମାନଙ୍କୁ ଏୟାରଲିଫ୍ଟ କରିବା ଲାଗି ବାୟୁସେନା ପକ୍ଷରୁ ବିମାନ ପଠାଯାଇଛି। ଯୁଦ୍ଧପୋତରେ ଥିବା କୌଣସି ସଦସ୍ୟଙ୍କୁ କରୋନା ଭାକ୍ସିନ୍ ଦିଆଯାଇ ନାହିଁ। ସେମାନଙ୍କୁ ଅଣାଯିବା ପରେ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯିବ। ସୁସ୍ଥ ହେଲା ପରେ ଭାକ୍ସିନ୍ ଦିଆଯିବ ବୋଲି ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।