ବମ୍ବେ: ଅଭିନୟଜଗତ ସହ ଜଡ଼ିତ ଅନେକ କଳାକାର ଏବେ ଆତ୍ମହତ୍ୟାର ବାଟ ବାଛି ନେଉଛନ୍ତି। କିଛି ଦିନ ତଳେ ବଲିଉଡ୍ ଅଭିନେତା ସନ୍ଦିପ ନାହର ସୁଇସାଇଡ୍ କରିଥିଲେ। ସୋସିଆଲ ମିଡିଆରେ ଏକ ଚକିତ କଲା ଭଳି ଭିଡିଓ ଶେୟାର କରିବାର କିଛି ଘଣ୍ଟା ପରେ ମୁମ୍ବାଇର ଏକ ଆପାର୍ଟମେଣ୍ଟରୁ ତାଙ୍କ ମୃତଦେହ ପୋଲିସ ଜବତ କରିଥିଲା। ଏବେ ଆଉ ଜଣେ ଅଭିନେତା ଆତ୍ମହତ୍ୟା କରିନେଇଛନ୍ତି। ସେ ହେଲେ ଟେଲିଭିଜନ ଅଭିନେତା ଇନ୍ଦ୍ର କୁମାର।
ଫେବୃୟାରୀ ୧୯ ରାତିରେ ସେ ଆତ୍ମହତ୍ୟା କରିଥିବା ଜଣାପଡ଼ିଛି। ମୃତ୍ୟୁ ବେଳକୁ ତାଙ୍କୁ ୨୫ ବର୍ଷ ହୋଇଥିଲା। ସିନେମାରେ କାମ କରିବାରେ ବିଫଳ ହେବା ପରେ ସେ ଏଭଳି ରାସ୍ତା ବାଛି ନେଇଥିବା ନେଇ ଚର୍ଚ୍ଚା ହେଉଛି।
ଚେନ୍ନାଇରେ ଫିଲ୍ମ ଦେଖିବା ପରେ ଗୁରୁବାର ରାତିରେ ଜଣେ ବନ୍ଧୁଙ୍କ ଘରେ ରହିଥିଲେ ଇନ୍ଦ୍ର। ହେଲେ ସେଠାରେ ସେ ଆତ୍ମହତ୍ୟା କରିଥିଲେ। ଏନେଇ ବନ୍ଧୁ ଜାଣିବା ପରେ ପୋଲିସକୁ ଖବର ଦେଇଥିଲେ। ପୋଲିସ ସେଠାରେ ପହଞ୍ଚିବା ପରେ ମୃତଦେହ ଜବତ କରି ତଦନ୍ତ ଆରମ୍ଭ କରିଛି। ଏହି ଖବର ପ୍ରକାଶ ପାଇବା ପରେ ବନ୍ଧୁ, ପରିବାରବର୍ଗ ଏବଂ ପ୍ରଶଂସକଙ୍କୁ ଶକ୍ତ ଧକ୍କା ଲାଗିଛି।