ନୂଆଦିଲ୍ଲୀ,୮।୧୦: ଦେଶର ପ୍ରମୁଖ ଚାରିଚକିଆ ଯାନ ନିର୍ମାତା ହୋଣ୍ଡା କାର୍ ଇଣ୍ଡିଆ ଲିମିଟେଡ୍ (ଏଚ୍ସିଆଇଏଲ୍)ର ଅଗ୍ରଣୀ ମଡେଲ ହୋଣ୍ଡା ସିଟି ଭାରତ ବଜାରରେ ସଫଳତାର ସହ ୨୫ବର୍ଷ ପୂରଣ କରିଛି। ଏହି ପରିପ୍ରେକ୍ଷୀରେ କମ୍ପାନୀ ପକ୍ଷରୁ ୨୫ ବର୍ଷର ପୂର୍ତ୍ତି ଉତ୍ସବ ପାଳନ କରାଯାଉଛି। ଏ ସମ୍ପର୍କରେ ଏଚ୍ସିଆଇଏଲ୍ର ଅଧ୍ୟକ୍ଷ ତଥା ସିଇଓ ତାକୁୟା ସୁମୁରା କହିଛନ୍ତି, ଭାରତ ବଜାରରେ ହୋଣ୍ଡା ବ୍ରାଣ୍ଡ୍ ପାଇଁ ଏହା ଏକ ଉଲ୍ଲେଖନୀୟ ବର୍ଷ। ଆମର ସବୁଠାରୁ ସଫଳ ମଡେଲ ହୋଣ୍ଡା ସିଟି ଭାରତର ସବୁଠାରୁ ପ୍ରିୟ କାର ମଡେଲ ମଧ୍ୟରେ ରହିଛି। ଉକ୍ତ ମଡେଲ ୨୫ ବର୍ଷ ବୟସ୍କ ହୋଇ ସାରିଥିବା ଯୋଗୁ ବର୍ଷ ବର୍ଷ ଧରି ଆମକୁ ସମର୍ଥନ କରିଥିବା ଆମର ସମସ୍ତ ଗ୍ରାହକ ଏବଂ ଅଂଶୀଦାରମାନଙ୍କୁ ଆମେ କୃତଜ୍ଞତା ଜଣାଉଛୁ ଏବଂ ଆଗାମୀ ଯାତ୍ରାରେ ଆମ ସହିତ ରହିବାକୁ ସମସ୍ତଙ୍କୁ ଆମନ୍ତ୍ରଣ କରୁଛୁ। ଏହି ବିଶେଷ ମାଇଲଖୁଣ୍ଟ ଉପରେ ଏକ ଯୋଗାଯୋଗ ଅଭିଯାନ ଡିଜିଟାଲ ଏବଂ ସାମାଜିକ ମାଧ୍ୟମରେ ମଧ୍ୟ ବ୍ୟାପକ ପ୍ରଚାର କରାଯିବ। ଉଲ୍ଲେଖଯୋଗ୍ୟ, ୧୯୯୮ରେ ହୋଣ୍ଡା ସିଟି ଭାରତ ବଜାରରେ ଯାତ୍ରା ଆରମ୍ଭ କରିଥିଲା। ବିଶେଷକରି ଭାରତ ଏବଂ ଏହାର ରପ୍ତାନି ବଜାରରେ ୯ଲକ୍ଷରୁ ଅଧିକ ଗ୍ରାହକଙ୍କୁ କ୍ରମବର୍ଦ୍ଧିତ ଭାବେ ଡ୍ରାଇଭିଂ କରିବାର ଗର୍ବ ଏବଂ ଆନନ୍ଦ ପ୍ରଦାନ କରିଛି।