ନୂଆଦିଲ୍ଲୀ,୪ ।୧୨: ଏମସିଡିର ସମସ୍ତ ୨୫୦ ୱାର୍ଡରେ ରବିବାର ଅର୍ଥାତ୍ ୪ ଡିସେମ୍ବରରେ ଭୋଟିଂ ହେବାକୁ ଯାଉଛି । ସକାଳ ୮ଟାରୁ ମତଦାନ ପ୍ରକ୍ରିୟା ଆରମ୍ଭ କରାଯିବ । ଏହି ନିର୍ବାଚନରେ ଭାରତୀୟ ଜନତା ପାର୍ଟି(ଭାଜପା), ଆମ ଆଦମୀ ପାର୍ଟି(ଏଏପି) ଓ କଂଗ୍ରେସ ମଧ୍ୟରେ ତ୍ରିକୋଣୀୟ ପ୍ରତିଦ୍ୱନ୍ଦିତା ହେବ । ଏମସିଡି ନିର୍ବାଚନେ ୧.୪୫ କୋଟି ମତଦାତା ସେମାନଙ୍କ ମତ ସାବ୍ୟସ୍ତ କରିବାର ଅଧିକାର ରହିଛି । ଏହି ନିର୍ବାଚନରେ ପ୍ରାୟ ୧,୩୪୯ ଜଣ ପ୍ରାର୍ଥି ମଇଦାନରେ ଅଛନ୍ତି । ମତଗଣନା ଡିସେମ୍ବର ୭ରେ ହେବ ।
ରାଜ୍ୟ ନିର୍ବାଚନ କମିଶନଙ୍କ ଅଧିକାରୀଙ୍କ ପକ୍ଷରୁ ଦିଆଯାଇଥିବା ସଂଖ୍ୟା ଅନୁଯାୟୀ, ଦିଲ୍ଲୀରେ ମତଦାତାଙ୍କ ମୋଟ ସଂଖ୍ୟା ୧,୪୫,୦୫,୩୫୮ ଏମାନଙ୍କ ମଧ୍ୟରୁ ୭୮,୯୩,୪୧୮ ପୁରୁଷ ଥିବା ବେଳେ ୬୬,୧୦,୮୭୯ ମହିଳା ଭୋଟର ରହିଛନ୍ତି । ଏହାସହ ୧,୦୬୧ ଟ୍ରାନ୍ସଜେଣ୍ଡର ରହିଛନ୍ତି । ରବିବାର ସକାଳ ୮ଟାରେ ଭୋଟ ଗ୍ରହଣ ଆରମ୍ଭ କରାଯିବ ।
