ଓ୍ବାଶିଂଟନ,୩୦।୩ : ୨୦୦୮ରେ ମୁମ୍ବାଇ ଆତଙ୍କବାଦୀ ଆକ୍ରମଣରେ ସମ୍ପୃକ୍ତ ପାକିସ୍ତାନୀ-କାନାଡିୟ ବ୍ୟବସାୟୀ ତାହଓ୍ବୁର ରାଣା ୨୦ ମାସରୁ ଅଧିକ ସମୟ ଧରି ଭାରତକୁ ତାଙ୍କ ପ୍ରତ୍ୟର୍ପଣ ଆଦେଶକୁ ଅପେକ୍ଷା କରିବା ପରେ ଆମେରିକାର କୋର୍ଟରେ ପହଞ୍ଚିଛନ୍ତି।
ଇଟାଲୀର ଡେଭିଡ କୋଲେମାନ ହେଡଲିଙ୍କ ପିଲାଦିନର ବନ୍ଧୁ ରାଣାଙ୍କୁ ଜୁନ ୧୦ ରେ ଲସ ଏଞ୍ଜେଲସରେ ମୁମ୍ବାଇ ଆତଙ୍କବାଦୀ ଆକ୍ରମଣରେ ସମ୍ପୃକ୍ତ ଥିବାରୁ ଭାରତର ଅନୁରୋଧ କ୍ରମେ ଗିରଫ କରାଯାଇଥିଲା। ସେହି ଆତଙ୍କବାଦୀ ଆକ୍ରମଣରେ ୬ ଜଣ ଆମେରିକୀୟଙ୍କ ସମେତ ୧୬୬ଜଣଙ୍କର ମୃତ୍ୟୁ ଘଟିଥିଲା। ରାଣାଙ୍କୁ ଭାରତରେ ପଳାତକ ଘୋଷିତ କରାଯାଇଛି।
ଲସ ଏଞ୍ଜେଲସରେ ଆମେରିକାର ଜିଲା କୋର୍ଟର ଜଜ ଜ୍ୟାକଲିନ ଚୋଲଜିଆନ ଜୁନ ୨୦୨୧ ରେ ପ୍ରତ୍ୟର୍ପଣ ପ୍ରସଙ୍ଗରେ ଚୂଡ଼ାନ୍ତ ଶୁଣାଣି କରିଥିଲେ ଏବଂ ଜୁଲାଇ ୨୦୨୧ ରେ ଏକ ଅନ୍ତିମ କାଗଜପତ୍ର ଦାଖଲ କରାଯାଇଥିଲା। ଆମେରିକା ସରକାରଙ୍କୁ ରାଣାଙ୍କୁ ଭାରତକୁ ପ୍ରତ୍ୟର୍ପଣ ଅନୁରୋଧ ଉପରେ କୋର୍ଟ ଏପର୍ଯ୍ୟନ୍ତ ରାୟ ଦେଇନାହାଁନ୍ତି।