ଛତ୍ରପୁର,୧୧।୮(ଡି.ଏନ.ଏ.): ଛତ୍ରପୁରସ୍ଥିତ ଆଇସିଡିଏସ କାର୍ଯ୍ୟାଳୟ ପରିସରରେ ଗୁରୁବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଉକ୍ତ କାର୍ଯ୍ୟାଳୟରେ କର୍ମଚାରୀମାନଙ୍କୁ କେତେଜଣ ଅଙ୍ଗନଓ୍ବାଡି କର୍ମୀ ତାଲା ପକାଇ ରଖିଥିଲେ। ଖବରପାଇ ଛତ୍ରପୁର ଥାନା ପୋଲିସ ଓ ଜିଲା ସମାଜ ମଙ୍ଗଳ ଅଧିକାରୀ ପହଞ୍ଚିବା ପରେ ସେମାନଙ୍କ ଉପସ୍ଥିତିରେ ତାଲା ଖୋଲାଯାଇଥିଲା। ଆଇସିଡିଏସ କାର୍ଯ୍ୟାଳୟରେ କାର୍ଯ୍ୟରତ ଗୀତାଞ୍ଜଳି ବେହେରା ଛତ୍ରପୁର ଏନଏସିର କିଛି ଅଙ୍ଗନଓ୍ବାଡି କର୍ମୀ ଓ ବିପୁଳିଙ୍ଗି ସେକ୍ଟର ଅଙ୍ଗନଓ୍ବାଡି କର୍ମୀଙ୍କ ନାଁରେ ଥାନାରେ ଏତଲା ଦେଇଛନ୍ତି। ଆଇସିଡିଏସ କାର୍ଯ୍ୟାଳୟରେ ବାହାରୁ ତାଲା ପକାଯିବାରୁ ଭିତରେ ଜଣେ କର୍ମଚାରୀ ଅସୁସ୍ଥ ହୋଇଥିଲେ। ତାଙ୍କୁ ଛତ୍ରପୁର ମେଡିକାଲ ନିଆଯାଇଥିଲା।
ଆଇସିଡିଏସ କାର୍ଯ୍ୟାଳୟ କର୍ମଚାରୀ ଗୀତାଞ୍ଜଳି ବେହେରା ଥାନାରେ ଅଭିଯୋଗ କରିଥିବା ଛତ୍ରପୁର ଥାନା ଅଧିକାରୀ ସତ୍ୟ ରଞ୍ଜନ ପ୍ରଧାନ ସୂଚନା ଦେଇଛନ୍ତି । ଏତଲାକୁ ଭିତ୍ତି କରି ପୋଲିସ ଏକ ମାମଲା ୪୫୨/୨୨ ରୁଜୁ କରି ତଦନ୍ତ ଜାରି ରଖିଛି । ଅନ୍ୟପକ୍ଷରେ ଅଙ୍ଗନଓ୍ବାଡି କର୍ମୀମାନେ କିଛି ଦାବି ନେଇ ଧାରଣାରେ ବସିବା ସହ ଗୁରୁବାର ବାଧ୍ୟ ହୋଇ ଆଇସିଡିସି ଅଫିସ ତାଲା ପକାଇଥିଲେ । ଭତ୍ତା, ଘର ଭଡା ଆଦି ଦାବି ନେଇ ଅଙ୍ଗନଓ୍ବାଡି କର୍ମୀ ସଂଘ ପକ୍ଷରୁ ୧ ତାରିଖରୁ ଆଇସିଡ଼ିଏସ କାର୍ଯ୍ୟାଳୟ ଆଗରେ ଧାରଣା ଦିଆଯାଇଛି । ଫଳରେ ଗତ ୧୧ ଦିନ ହେଲା ଛତ୍ରପୁର ଏନଏସିର ସମସ୍ତ ୨୬ଟି ଅଙ୍ଗନଓ୍ବାଡି କେନ୍ଦ୍ର ବନ୍ଦ ରହିଛି। ଅପରପକ୍ଷରେ ଅଙ୍ଗନଓ୍ବାଡି କର୍ମୀଙ୍କ ବିରୋଧରେ ଜିଲା ପ୍ରଶାସନ ନିକଟରେ ଫେରାଦ ହୋଇଛନ୍ତି ଛତ୍ରପୁରର କାଉନସିଲର। ଛତ୍ରପୁର ଏନଏସି ନିର୍ବାଚନ ହେବାର ୪ମାସ ବିତିଯାଇଥିଲେ ସୁଦ୍ଧା କାଉନସିଲମାନେ ନିଜ ନିଜ ଅଞ୍ଚଳରେ ରହିଥିବା କେନ୍ଦ୍ରରେ କେତେ ସଂଖ୍ୟକ ଛାତ୍ରଛାତ୍ରୀ ପାଠ ପଢୁଛନ୍ତି, କେତେ ସଂଖ୍ୟକ ଗର୍ଭବତୀ ମହିଳା ଓ ପ୍ରସୂତି ରହିଛନ୍ତି ତାର ତଥ୍ୟ ମାଗିଲେ କର୍ମୀମାନେ ଦେବାକୁ କୁଣ୍ଠାବୋଧ କରିବା ସହ ତଥ୍ୟ ଦେବାକୁ ନାରାଜ ହେଉଛନ୍ତି । ଏପରିକି ଠିକରେ କେନ୍ଦ୍ର ଖୋଲାଯାଉନାହିଁ। ଏଭଳି ନାନାପ୍ରକାର ଅଭିଯୋଗ ନେଇ କାଉନସିଲରମାନେ ଅତିରିକ୍ତ ଜିଲାପାଳ ଲିନା କୁମାରୀ ଖେସକୁ ଭେଟି ଏକ ସ୍ମାରକପତ୍ର ପ୍ରଦାନ କରିଛନ୍ତି। ପିଲାମାନଙ୍କୁ ପୃଷ୍ଟିକର ଖାଦ୍ୟ, ଅଣ୍ଡା ଓ ଛତୁଆ ଠିକ ଭାବେ ପ୍ରଦାନ କରାଯାଉନାହିଁ। କର୍ମୀମାନଙ୍କୁ ପଚାରିଲେ ଆମକୁ କୈାଣସି ତଥ୍ୟ ଦେବାକୁ ରାଜି ହେଉନାହାନ୍ତି। ତଥ୍ୟ ଦେଲେ କାଳେ କର୍ମୀଙ୍କ ବହୁ ଗୁମର ଫିଟିଯିବ ବୋଲି କାଉନସିଲରମାନେ ଅତିରିକ୍ତ ଜିଲାପାଳଙ୍କୁ କହିଥିଲେ। ଅଙ୍ଗନଓ୍ବାଡି କର୍ମୀଙ୍କ ମନମୁଖୀ କାର୍ଯ୍ୟକଳାପରେ ଅତିଷ୍ଠ ହୋଇ ଶେଷରେ ପ୍ରଶାସନ ନିକଟରେ ଦ୍ୱାରସ୍ଥ ହୋଇଛୁ ବୋଲି