ଅମରାବତୀ,୬ ।୧୧: ଆନ୍ଧ୍ରପ୍ରଦେଶରେ ନଭେମ୍ବର ୨ରୁ ନବମ ଓ ଦାମ ଶ୍ରେଶୀ ପିଲାମାନଙ୍କ ପାଇଁ ସ୍କୁଲ ଖୋଲି ଦିଆଯାଇଛି । ଆଉ ସ୍କୁଲ ଖୋଲିବା ପରେ ମାତ୍ର ୨ ଦିନ ମଧ୍ୟରେ ୧୬୨ ଛାତ୍ର ଓ ୧୬୦ ଶିକ୍ଷକ କରୋନାରେ ସଂକ୍ରମିତ ହୋଇଥିବା ଜଣାପଡିଛି । ସ୍କୁଲ ଶିକ୍ଷା ଆୟୁକ୍ତ ବି ଚିନ୍ନା ବିରଭଦ୍ରୁଦୁ ଗୁରୁବାର ଏହି ସୂଚନା ଦେଇଛନ୍ତି । ସେ କହିଛନ୍ତି ସ୍କୁଲ ଖୋଲିବା ପର ପ୍ରତ୍ୟେକ ସ୍ଥାନରେ କରୋନା ନିୟମ ମାନିବାକୁ ଯଥା ସମ୍ଭବ ଚେଷ୍ଟା କରାଯାଇଛି । ତାଙ୍କ ମତରେ ନଭମ୍ବର ୪ରେ ପାଖାପାଖି ୪ ଲକ୍ଷ ଶିକ୍ଷାର୍ଥୀ ସ୍କୁଲ ଆସିଥିଲେ । ଏବେ ସଂକ୍ରମିତ ଛାତ୍ରଙ୍କ ସଂଖ୍ୟା ୨୬ ୨ । ଯାହା ମୋଟ ଛାତ୍ରଙ୍କ ୦.୧ ପ୍ରତିଶତ । ତେଣୁ ଏହା ଚିନ୍ତାର କାରଣ ନୁହେଁ ବୋଲି ସେ କହିଛନ୍ତି । ଅବଶ୍ୟ ସ୍କୁଲ ଖୋଲିବା ଯୋଗୁ ସଂକ୍ରମଣ ହୋଇଛି ବୋଲି କହିବା ଭୁଲ୍ ହେବନାହିଁ । ଅନ୍ୟପନଟେ ସ୍କୁଲ ଖୋଲିବା ପରେ ପାଖାପାଖି ୧.୧୧ ଲକ୍ଷ ଶିକ୍ଷକ କାମରେ ଯୋଗ ଦେଇଥିଲେ ଆଉ ସେମାନଙ୍କ ମଧ୍ୟରୁ ମାତ୍ର ୧୬୦ ଜଣ କରୋନା ମହାମାରୀ ଦ୍ୱାରା ସଂକ୍ରମିତ ହୋଇଛନ୍ତି । ଗ୍ରାମୀଣ ଅଞ୍ଚଳରେ ଥିବା ଛାତ୍ରୀଛାତ୍ର ଓ ଗରିବ ଶ୍ରେଣୀର ପିଲା ଅନଲାଇନରେ ପାଠ ପଢିବାକୁ ନାନା ଅସୁବିଧାର ସ।ମ୍ନା କରୁଥିବାରୁ ଏମାନଙ୍କ ପାଇଁ ସ୍କୁଲ ଖୋଲାଯିବା କଥା ଚିନ୍ତା କରାଯାଇଥିଲା ।