କାମାକ୍ଷାନଗର, ୪ା୭(ଡି.ଏନ୍.ଏ.): ଢେଙ୍କାନାଳ ବନଖଣ୍ଡ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ୍ ମୁକ୍ତାପଶି ଫରେଷ୍ଟ ସେକ୍ସନ୍ର କଙ୍କିଳି ବିଟ୍ ଜରିତଇଲା ସାହି ନିକଟରୁ ରବିବାର ୨୭ଟି ଶାଳଗଣ୍ଡି ଜବତ କରାଯାଇଛି। ସମ୍ପୃକ୍ତ ଅଞ୍ଚଳର କେତେଜଣ ବ୍ୟକ୍ତି ନିକଟ ଜଙ୍ଗଲରୁ କାଠ କାଟି ମାଫିଆଙ୍କୁ ବିକ୍ରି କରୁଥିଲେ। ସୂଚନା ପାଇ ଅଞ୍ଚଳର ଗଣମାଧ୍ୟମ ପ୍ରତିନିଧି ଘଟଣାସ୍ଥଳକୁ ଯାଇ ଜିଲା ବନଖଣ୍ଡ ଅଧିକାରୀ(ଡିଏଫ୍ଓ)ଙ୍କୁ ଅବଗତ କରାଇଥିଲେ। ଡିଏଫ୍ଓଙ୍କ ନିର୍ଦ୍ଦେଶରେ ସ୍ଥାନୀୟ ବନ କର୍ମଚାରୀ ଚଢ଼ାଉ କରି କାଠ ଜବତ କରିଥିଲେ। ଏହି ଘଟଣାରେ କାହାରିକୁ ଗିରଫ କରାଯାଇନାହିଁ। ଦୀର୍ଘଦିନ ହେଲା ଅଞ୍ଚଳରୁ ମୂଲ୍ୟବାନ କାଠ ଚୋରା ଚାଲାଣ ହେଉଛି। ଏଥିରେ ବନ ବିଭାଗର କେତେଜଣ କର୍ମଚାରୀଙ୍କ ହାତ ରହିଥିବା ସ୍ଥାନୀୟ ବୁଦ୍ଧିଜୀବୀ ଅଭିଯୋଗ କରିଛନ୍ତି। ଏ ଦିଗରେ ଜିଲା ବନ ବିଭାଗ ପଦକ୍ଷେପ ନେବାକୁ ସେମାନେ ଦାବି କରିଛନ୍ତି।