ନୂଆଦିଲ୍ଲୀ,୨୪।୧୦: ନୂଆଦିଲ୍ଲୀ କ୍ଲବ ରୋଡ ପଞ୍ଜାବୀବାଗ ସ୍ଥିତ ଏକ ହୋଟେଲରେ ଜୁଆ ଖେଳ ଚାଲିଥିବା ବେଳେ ଦିଲ୍ଲୀ ପୋଲିସ ଚଢାଉ କରି ୭ ଜଣ ମହିଳାଙ୍କ ସମେତ ୨୯ ଜଣଙ୍କୁ ଗିରଫ କରିଛି। ପୋଲିସ ସେମାନଙ୍କଠାରୁ ୫୮.୫୭ ଲକ୍ଷ ଟଙ୍କା ସହ ୧୦ ସେଟ୍ ତାସ୍କାର୍ଡ ଜବତ କରିଛି।
ଡିସିପି ଘନଶ୍ୟାମ ବଂଶଲ କହିଛନ୍ତି, ଦୀପାବଳି ଅବସରରେ ଜୁଆ ଖେଳ ହେଉଥିବା ନେଇ ପୋଲିସକୁ ଖବର ମିଳିଥିଲା। ଏନେଇ ପୋଲିସର ଏକ ଟିମ୍ ହୋଟେଲରେ ଚଢାଉ କରିଥିଲା। ଚଢାଉ ବେଳେ ଅଧିକାରୀମାନେ ହୋଟେଲର ପ୍ରଥମ ମହଲାରେ ଜୁଆଖେଳ ହେବା ସହ ଭୋଜିଭାତର ଆସର ଜମିଥିବା ଦେଖିବାକୁ ପାଇଥିଲେ। ଏପରିକି ପୋଲିସ କର୍ମଚାରୀଙ୍କୁ ଦେଖି ଜୁଆଡି ତାସ କାର୍ଡ ଫିଙ୍ଗି ଠିଆ ହୋଇଯାଇଥିଲେ। ହେଲେ ପୋଲିସ ଅଧିକାରୀମାନେ ଜୁଆ ଖେଳରେ ସମ୍ପୃକ୍ତ ୭ ମହିଳାଙ୍କ ସମେତ ୨୯ ଜଣଙ୍କୁ ଗିରିଫ କରିଥିଲା।