ଛତ୍ରପୁର,୪ା୧୧(ଡି.ଏନ୍.ଏ.)- ଛତ୍ରପୁର ଉପଜିଲାପାଳ ପ୍ରସନ୍ନ କୁମାର ପାତ୍ରଙ୍କ ନିର୍ଦ୍ଦେଶକ୍ରମେ ଶୁକ୍ରବାର ଉପଖଣ୍ଡସ୍ତରୀୟ ଯୋଗାଣ ବିଭାଗର ଏକ ଏନଫୋର୍ସମେଣ୍ଟ ସ୍କ୍ବାର୍ଡ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇଛି। ଛତ୍ରପୁର ତାମ୍ପରା ନିକଟ ଜାତୀୟ ରାଜପଥ ପାର୍ଶ୍ୱ ଓ ଖଲ୍ଲିକୋଟ ଏନଏସିର ଅଞ୍ଚଳର ଦୁଇଟି ବ୍ୟବସାୟିକ ପ୍ରତିଷ୍ଠାନ ଉପରେ ଚଢାଉ ବେଳେ ବେଆଇନ ଗଚ୍ଛିତ ଥିବା ୨୯ଟି ଘରୋଇ ଗ୍ୟାସ ସିଲିଣ୍ଡର ଜବତ କରାଯାଇଛି। ଚଢାଉ ବେଳେ ସହକାରୀ ଯୋଗାଣ ଅଧିକାରୀ ପିତାମ୍ବର ସେଠୀଙ୍କ ନେତୃତ୍ୱରେ ଛତ୍ରପୁର ବ୍ଲକ ଯୋଗାଣ ଅଧିକାରୀ ଜୟରାମ ଲେଙ୍କା, ଗଞ୍ଜାମ ବ୍ଲକ ଯୋଗାଣ ଅଧିକାରୀ ସନ୍ତୋଷ କୁମାର ଦାଶ, ହିଞ୍ଜିଳିକାଟୁ ଯୋଗାଣ ଅଧିକାରୀ ପୁରଞ୍ଜୟ ସାହୁ ଓ ଖଲ୍ଲିକୋଟ ବ୍ଲକ ଯୋଗାଣ ଅଧିକାରୀ ପୂର୍ଣ୍ଣଚନ୍ଦ୍ର ଦାଶ, କବିସୂର୍ଯ୍ୟନଗର ବ୍ଲକ ଯୋଗାଣ ଅଧିକାରୀ ନିଖିଳ ମୋହନ ବସ୍ତିଆ, ପୋଲସରା ବ୍ଲକ ଯୋଗାଣ ଅଧିକାରୀ ହେମନ୍ତ କୁମାର ପ୍ରଧାନଙ୍କ ମିଳିତ ସହଯୋଗରେ ତାମ୍ପରା ସମ୍ମୁଖ ଜାତୀୟ ରାଜପଥ ପାର୍ଶ୍ୱରେ ଥିବା ଶ୍ରୀବାଳକ୍ରିଷ୍ଣା ଡ୍ରାଏ ଫୁଡ ସେଣ୍ଟରରୁ ୧୨ଟି ଗ୍ୟାସ ସିଲିଣ୍ଡର ଓ ଜୟଦୁର୍ଗା ଭେରାଇଟି ଷ୍ଟୋରରରୁ ୪ ଟି ଗ୍ୟାସ ସିଲିଣ୍ଡରକୁ ଜବତ କରାଯାଇଛି। ସେମାନଙ୍କୁ ନୋଟିସ ପ୍ରଦାନ କରାଯାଇଛି । ସେହିପରି ଖଲ୍ଲିକୋଟ ଏନଏସି ଅଞ୍ଚଳର ଏମଜି ହୋଟେଲରୁ ୯ ଟି ଓ ଆପେଲ ରିସୋର୍ଟ ଠାରୁ ୪ ଟି ଘରୋଇ ଗ୍ୟାସ ସିଲିଣ୍ଡର ଜବତ କରାଯାଇଥିବା ବିଭାଗ ପକ୍ଷରୁ ସୂଚନା ମିଳିଛି ।
