ଭୁବନେଶ୍ୱର,୨୩।୮(ବ୍ୟୁରୋ): ଓଡ଼ିଶାରେ ବେଲଗାମ ହୋଇପଡ଼ିଛି କରୋନା। ରବିବାର ରାଜ୍ୟରେ ୨,୯୯୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିରୁ ୧,୮୭୯ କ୍ୱାରାଣ୍ଟାଇନ୍ର ଥିବା ବେଳେ ୧,୧୧୪ ଲୋକାଲ କେସ୍ ରହିଛି। ଏହାକୁ ମିଶାଇ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୭୮,୫୩୦କୁ ବୃଦ୍ଧି ପାଇଛି।
୩୦ ଜିଲାରୁ ଚିହ୍ନଟ ନୂଆ ଆକ୍ରାନ୍ତଙ୍କ ମଧ୍ୟରେ ଖେର୍ଦ୍ଧାର ସର୍ବାଧିକ ୬୦୬ ଥିବା ବେଳେ ଅନୁଗୋଳର ୨୧, ବାଲେଶ୍ୱରର ୧୧୫, ବରଗଡ଼ର ୯୮, ଭଦ୍ରକ ୯୨, ବଲାଙ୍ଗୀରରୁ ୬୨, ବୌଦ୍ଧର ୯, କଟକର ୧୫୮, ଦେବଗଡ଼ରୁ ୯, ଢ଼େଙ୍କାନାଳର ୬୦, ଗଜପତର ୪୩, ଗଞ୍ଜାମର ୨୭୧, ଜଗତସିଂହପୁରର ୪୬, ଯାଜପୁରର ୧୨୧, ଝାରସୁଗୁଡ଼ାର ୪୩, କଳାହାଣ୍ଡିର ୪୩, କଳାହାଣ୍ଡିର ୩୬, କନ୍ଧମାଳର ୫୮, କେନ୍ଦ୍ରାପଡ଼ାର ୪୩, କେନ୍ଦୁଝରର ୬୩, କୋରାପୁଟର ୯୫, ମାଲକାନଗିରିର ୮୫, ମୟୂରଭଞ୍ଜର ୧୨୦, ନବରଙ୍ଗପୁରର ୬୮, ନୟାଗଡ଼ର ୧୫୩, ନୂଆପଡ଼ାର ୧୧, ପୁରୀର ୧୫୬, ରାୟଗଡ଼ାର ୧୩୭, ସମ୍ବଲପୁରର ୧୦୪, ସୋନପୁରର ୪୦, ସୁନ୍ଦରଗଡ଼ର ୭୦ଜଣ ଆକ୍ରାନ୍ତ ଅଛନ୍ତି। ତେବେ ବର୍ତ୍ତମାନ ରାଜ୍ୟରେ ୫୨,୨୭୬ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ୨୫,୭୯୨ ଆକ୍ଟିଭ କେସ୍ ରହିଥିବା ପୂର୍ବାହ୍ନରେ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି।