ବେଜିଂ,୨୬ ।୧୨: ଚାଇନାରେ ବେଳକୁ ବେଳ ବେକାବୁ ହେଲାଣି କରୋନା ସଂକ୍ରମଣ । ଏହି ସଂକ୍ରମଣରୁ କିପରି ମୁକ୍ତି ମିଳିବ ତାହାକୁ ନେଇ ସାଧାରଣ ଜନତାଙ୍କଠାରୁ ସରକାରଙ୍କ ପର୍ଯ୍ୟନ୍ତ ସମସ୍ତଙ୍କ ଚିନ୍ତା ବଢି ଗଲାଣି । ଏଥିରୁ କିପରି ମୁକ୍ତି ମିଳିବ ତାହାକୁ ନେଇ ସାଧାରଣ ଜନତା ପ୍ରଶ୍ନ କରିବା ଆରମ୍ଭ କଲେଣି । ଏମାନଙ୍କ ପ୍ରଶ୍ନ ହେଉଛି ଯେଉଁମାନେ କରୋନା ସଂକ୍ରମିତ ଏବେ ସୁସ୍ଥ ହୋଇଯାଇଛନ୍ତି ସେମାନଙ୍କ ପାଇଁ କ’ଣ ଦ୍ୱୀତିୟ ବୁଷ୍ଟର ଡୋଜର ଆବଶ୍ୟକତା ରହିଛି । ଏବେ ଏହାକୁ ନେଇ ଚାଇନାର ଷ୍ଟେଟ କାଉନସିଲର ସଂଯୁକ୍ତ ମହାମାରୀ ଟିମ କହିଛି ହଁ ଦ୍ୱିତୀୟ ବୁଷ୍ଟର ଡୋଜ ନେବା ଜରୁରୀ । ତେବେ ଯେଉଁମାନେ ୩ଟି ସର୍ଟ ନେଇ ସାରିଛନ୍ତି ଏଥର ସେ ଅନ୍ୟ ଏକ ଭ୍ୟାକ୍ସିନ ବାଛିବାକୁ କୁହାଯାଇଛି । ଏହାସହ ଚତୁର୍ଥ ଡୋଡ ଅଥବା ଦ୍ୱିତୀୟ ବୁଷ୍ଟର ଡୋଜ ନେବାକୁ ବି କୁହାଯାଇଛି । ବିଶେଷଜ୍ଞମାନେ କହିଛନ୍ତି ଶରୀରର ଇମ୍ୟୁନିଟି ବଢାଇବାକୁ ଦ୍ୱୀତିୟ ବୁଷ୍ଟର ଡୋଜ ନେବା ଜରୁରୀ । ତେବେ ଯେଉଁମାନେ ସଂକ୍ରମିତ ହୋଇଛନ୍ତି ସେମାନେ ଅତିକମରେ ୬ ମାସ ପରେ ଚତୁର୍ଥ ଅର୍ଥାତ୍ ଦ୍ୱିତୀୟ ବୁଷ୍ଟର ଡୋଜ ନେଇପାରିବେ ।
