ବଡ଼ସାହି,୧୪ା୧୧: ମୟୂରଭଞ୍ଜ ଜିଲା ବଡ଼ସାହି , ଖୁଣ୍ଟା ଓ ବେତନଟୀ ଅଞ୍ଚଳରେ ସୋମବାର ଅପରାହ୍ନ ୩ଟା ବେଳେ ଭୟଙ୍କର ଶବ୍ଦ ହେବାରୁ ଲୋକେ ଭୟଭୀତ ହୋଇ ପଡ଼ିଥିଲେ। ଏହି ଶବ୍ଦ ଯୋଗୁ ଘରଗୁଡ଼ିକ ଥରି ଉଠିଥିଲା। ଲୋକେ ଆତଙ୍କିତ ଅବସ୍ଥାରେ ଘରୁ ବାହାରକୁ ବାହାରି ଆସିଥିଲେ। ଶବ୍ଦ ହେବାର ଅଳ୍ପ ସମୟ ପରେ ଆକାଶ ମାର୍ଗରେ ଏକ ବିମାନର ଶବ୍ଦ ଭୟକୁ ଦ୍ୱିଗୁଣିତ କରି ଦେଇଥିଲା। ଏହି ଶବ୍ଦ କେଉଁଠି ଆସିଲା ଠିକ୍ ତଥ୍ୟ କାହା ପାଖରେ ନ ଥିବା ବେଳେ ଏହା ବେଆଇନ ପଥର ବ୍ଲାଷ୍ଟିଂ ବୋଲି ସାଧାରଣରେ ଆଲୋଚନା ହେଉଛି।