ଲଣ୍ଡନ: ବୁଲିବାକୁ ପସନ୍ଦ କରୁଥିବା ଲୋକଙ୍କ ପାଖରେ ଯଦି ଟଙ୍କାର କିଛି ଅଭାବ ଥାଏ, ତେବେ ସେମାନେ ଏହା ଯୋଗାଡ଼ କରିନିଅନ୍ତି। କିନ୍ତୁ ନିକଟରେ ଜଣେ ଯୁବତୀ ଏମିତି କିଛି ଯୋଗାଡ଼ କରିଛନ୍ତି, ତାହା ଆଶ୍ଚର୍ଯ୍ୟ କରିଛି। ପୂର୍ବ ଲଣ୍ଡନର ଜଣେ ୨୯ ବର୍ଷୀୟା କଣ୍ଟେଣ୍ଟ କ୍ରିଏଟର ସବିନା ତ୍ରୋଜାନୋଭା ମାତ୍ର ୫ହଜାର ଟଙ୍କାରେ ୩ ଦେଶ ବୁଲିଛନ୍ତି। ତାଙ୍କର ଏହି ଟ୍ରିକ୍କୁ ମଧ୍ୟ ଲୋକଙ୍କ ସହ ଶେୟାର କରିଛନ୍ତି। ସେ ମେ’ ୯ରେ ୧୨.୯୯ ବ୍ରିଟିଶ ପାଉଣ୍ଡ ଅର୍ଥାତ୍ ୧୩୦୦ ଟଙ୍କାରେ ଲଣ୍ଡନରୁ ଡବଲିନ୍ ପାଇଁ ଫ୍ଲାଇଟ୍ ଧରିଲେ। ସେଠାରେ ୨ ଦିନ ବୁଲିବା ପରେ ସେ ସେଠାରୁ ୧୭.୩୮ ବ୍ରିଟିଶ ପାଉଣ୍ଡ ଅର୍ଥାତ୍ ୧୭୦୦ ଟଙ୍କା ଫ୍ରାନ୍ସର ମାର୍ସେଇଲି ପାଇଁ ଫ୍ଲାଇଟ୍ ଧରିଲେ। ସେଠାରେ କିଛିଦିନ ବୁଲିବା ପରେ ସେ ୧୬ ବ୍ରିଟିଶ ପାଉଣ୍ଡ ଅର୍ଥାତ୍ ୧୬୦୦ ଟଙ୍କାରେ ସ୍ପେନ୍ର ପାଲ୍ମା ପାଇଁ ଫ୍ଲାଇଟ ଧରିଥିଲେ। ସବିନା କହିଛନ୍ତି, ସେ ତାଙ୍କର ଯାତ୍ରା ପାଇଁ ଆଉ କମ୍ ଟଙ୍କା ଖର୍ଚ୍ଚ କରିପାରିଥାନ୍ତେ। ତେବେ ତାଙ୍କର ସମୁଦାୟ ୬୧୩ ବ୍ରିଟିଶ ପାଉଣ୍ଡ ଅର୍ଥାତ୍ ୬୩ ହଜାର ଖର୍ଚ୍ଚ ହୋଇଥିଲା। ସେ ଏକ ନୂଆ ଦେଶକୁ ଯିବାକୁ ସବୁଠୁ କମ୍ ଦାମ୍ବାଲା ଫ୍ଲାଇଟ ଧରିଥିଲେ। ସେ ସମସ୍ତ ଜାଗାକୁ ଏକା ଯିବାକୁ ଚାହୁଁଥିଲେ। ସେ ଗୋଟିଏ ରାତି ପୂର୍ବରୁ ତାଙ୍କର ନୂଆ ଜାଗା ସ୍ଥିର କରୁଥିଲେ। ସେ ଦେଶରେ ସମସ୍ତ ଜାଗା ପାଦରେ ଚାଲି ଚାଲି ବୁଲିଥିଲେ। ତାଙ୍କର ମୁଖ୍ୟ ଲକ୍ଷ୍ୟ ଥିଲା, ସେହି ଦେଶରେ ଭଲ ସମୟ କାଟିବା ସହ ନିଜକୁ କିଛି ଟାକ୍ସ ଦେଇଥିଲେ। ସେସବୁ ହେଲା ସେଠାକାର ପାରମ୍ପରିକ ଖାଦ୍ୟ ଓ ମିଠା ଖାଇବା, ସେଠାର ଐତିହାସିକ ସହ ଜଡ଼ିତ ଥିବା ମହିଳାଙ୍କ ସହ କଥା ହେବା ଏବଂ ସ୍ଥାନୀୟ ଲେଖକଙ୍କ ବହି ଖୋଜିବା। ସବିନା ଏପର୍ଯ୍ୟନ୍ତ ୬୦ଟି ଦେଶ ବୁଲିଥିବାବେଳେ ଏକୁଟିଆ ବୁଲିବା ଭଲ ଉପାୟ ବୋଲି କହିଥିଲେ।
