ପାଟଣା,୭ା୪(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ୍ ରାଜନଗର ପଞ୍ଚାୟତ ରାଜନଗର ମଝିସାହିରେ ୬ ମାସ ପୂର୍ବେ ନିର୍ମିତ କଂକ୍ରିଟ୍ ରାସ୍ତା ଭାଙ୍ଗି ଗରଗର ହୋଇଯାଇଛି। ନିମ୍ନମାନର କାର୍ଯ୍ୟ ଯୋଗୁ ଏଭଳି ଘଟିଥିବା ଗ୍ରାମବାସୀ ଅଭିଯୋଗ କରିଥିଲେ। ପରେ ରାସ୍ତା ମରାମତି କରାଯାଇଥିବା ବେଳେ ଲୋକେ ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି।
ଅନୁଯାୟୀ, କେନ୍ଦୁଝର ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ଉକ୍ତ ରାସ୍ତାଟି ୬ ମାସ ପୂର୍ବେ ନିର୍ମାଣ ହୋଇଥିଲା। ୬.୮୪୦ କି.ମି. କଂକ୍ରିଟ ରାସ୍ତା ପାଇଁ ୩ କୋଟି ଟଙ୍କା ବ୍ୟୟ ଅଟକଳ ରହିଥିଲା। ନିମ୍ନମାନର କାର୍ଯ୍ୟ ଯୋଗୁ ବୁଧବାର ରାସ୍ତା ଫାଟି ଫାଳଫାଳ ହୋଇଯାଇଥିଲା। ଏହାର ପୁନଃ ନିର୍ମାଣ ସହ କାର୍ଯ୍ୟ କରିଥିବା ଠିକାଦାର ଓ ବିଭାଗୀୟ ଅଧିକାରୀଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଗ୍ରାମର ମହିଳାମାନେ ଦାବି କରିଥିଲେ। ଏନେଇ ଗ୍ରାମ୍ୟ ଉନ୍ନୟନ ବିଭାଗ ତୁରୁମୁଙ୍ଗା ଯନ୍ତ୍ରୀ ଦେବବ୍ରତ ମହାନ୍ତିଙ୍କୁ ପଚାରିବାରୁ ୬ ମାସ ତଳେ ଉକ୍ତ କାର୍ଯ୍ୟଟି ଡିପାର୍ଟମେଣ୍ଟ ତରଫରୁ ଏଜେନ୍ସି ମାଧ୍ୟମରେ ସମ୍ପନ୍ନ ହୋଇଥିଲା। ଶୁଣିବାକୁ ପାଇଲୁ ରାଜନଗର ମଝି ସାହିରେ ପ୍ରଚଣ୍ଡ ଶବ୍ଦ ପରେ କଂକ୍ରିଟ୍ ରାସ୍ତାଟି ଫାଟିଯାଇଥିଲା। ଏସ୍ଡିଓଙ୍କ ନେତୃତ୍ୱରେ ଏକ ଉଚ୍ଚସ୍ତରୀୟ କମିଟି ଗଁାକୁ ଯାଇ ଏହାର ତଦନ୍ତ କରିଥିଲା। ଏୟାର ରହିଥିବାରୁ ଅଢ଼େଇ ମିଟର ରାସ୍ତା ଫାଟିଯାଇଛି। ଗୁରୁବାର ଉକ୍ତ ରାସ୍ତା ମରାମତି କରାଯାଇଥିବା ଯନ୍ତ୍ରୀ କହିଥିଲେ।
