ନୂଆଦିଲ୍ଲୀ,୨୦।୧୨ : ମିଳିତ ଜାତିସଂଘର ଶିକ୍ଷା, ବୈଜ୍ଞାନିକ ଏବଂ ସାଂସ୍କୃତିକ ସଂଗଠନ ୟୁନେସ୍କୋର ବିଶ୍ୱ ଐତିହ୍ୟ ସ୍ଥଳଗୁଡିକର ସମ୍ଭାବିତ ତାଲିକାରେ ଭାରତର ତିନୋଟି ନୂତନ ସାଂସ୍କୃତିକ ସ୍ଥାନ ଅନ୍ତର୍ଭୁକ୍ତ କରାଯାଇଛି। ଏଥିମଧ୍ୟରେ ମୋଡେରାର ଐ ତିହାସିକ ସୂର୍ଯ୍ୟ ମନ୍ଦିର, ଗୁଜରାଟର ବଡନଗରର ଐତିହାସିକ ସହର ଏବଂ ତ୍ରିପୁରାର ଉନାକୋଟିର ପଥର କଟା ମୂର୍ତ୍ତି ଅନ୍ତର୍ଭୁକ୍ତ। ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ (ଏଏସଆଇ) ମଙ୍ଗଳବାର ଏହି ସୂଚନା ଦେଇଛି। ଏନେଇ କେନ୍ଦ୍ର ସଂସ୍କୃତି ମନ୍ତ୍ରୀ ଜି କିଶନ ରେଡ୍ଡୀ ଟୁଇଟ କରି ଏହି ତିନୋଟି ସାଇଟର ଚିତ୍ର ଶେୟାର କରିଛନ୍ତି।
ସେ ଟୁଇଟ କରି କହିଛନ୍ତି ଯେ ଭାରତକୁ ଅଭିନନ୍ଦନ! ୟୁନେସ୍କୋର ପରୀକ୍ଷାମୂଳକ ତାଲିକାରେ ଭାରତ ଆଉ ତିନୋଟି ସାଇଟ ଯୋଡିଛି। ପ୍ରଥମ, ଗୁଜୁରାଟର ବଡନଗରର ବହୁସ୍ତରୀୟ ଐତିହାସିକ ସହର, ଦ୍ୱିତୀୟରେ, ମୋଡେରାର ସୂର୍ଯ୍ୟ ମନ୍ଦିର ଏବଂ ଏହାର ଆଖପାଖ ସ୍ମାରକୀ ଏବଂ ତୃତୀୟଟି ଉନାକୋଟି ଜିଲାର ଉନାକୋଟି ପରିସରରେ ଥିବା ପଥର ମୂର୍ତ୍ତି।
ପ୍ରତ୍ନତତ୍ତ୍ୱ ସର୍ବେକ୍ଷଣ ଅଫ ଇଣ୍ଡିଆ ମଧ୍ୟ ଟୁଇଟ କରି କହିଛି ଯେ ଏହି ପଦକ୍ଷେପ ଭାରତର ସାଂସ୍କୃତିକ ଐତିହ୍ୟକୁ ପ୍ରୋତ୍ସାହିତ କରିବ। ଏଏସଆଇ କହିଛି ଯେ ମୋଡେରାରେ ଥିବା ସୂର୍ଯ୍ୟ ମନ୍ଦିର ଏବଂ ଏହାର ଆଖପାଖ ସ୍ମାରକୀ, ୟୁନାକୋଟିର ପଥର କଟା ମୂର୍ତ୍ତି ଏବଂ ବହୁ ସ୍ତରୀୟ ବଡନଗର ସହର ୟୁନେସ୍କୋର ପରୀକ୍ଷାମୂଳକ ତାଲିକାରେ ଯୋଡି ହୋଇଛି। ଏହା ଭାରତୀୟ ସାଂସ୍କୃତିକ ଐତିହ୍ୟକୁ ଉତ୍ସାହିତ କରିବ।