ଭୁବନେଶ୍ୱର,୧୭।୧୧(ବ୍ୟୁରୋ): ଅଷ୍ଟ୍ରେଲିଆରେ ଚମକିଲେ ଓଡ଼ିଆ ଯୁବ ଗବେଷକ। ମେଶିନ ଲର୍ଣ୍ଣିଂ ଏବଂ ଇଣ୍ଟରନେଟ୍ ଅଫ୍ ଥିଙ୍ଗ୍ସର ଗବେଷଣା କ୍ଷେତ୍ରରେ ଉଲ୍ଲେଖନୀୟ ଅବଦାନ ଯୋଗୁ ଓଡ଼ିଶାର ଗବେଷକ ଡ. ରଞ୍ଜିତ ପାଣିଗ୍ରାହୀ, ଡ. ଆକାଶ କୁମାର ଭୋଇ ଏବଂ ଡ. ପ୍ରଦୀପ କୁମାର ମଲ୍ଲିକ ସମ୍ମାନୀତ ହୋଇଛନ୍ତି। ଏହି ୩ ଗବେଷଣାକାରୀ ଏବଂ ତାଙ୍କ ସହଯୋଗୀମାନେ ମିଳିତ ଉଦ୍ୟମରେ ଅଷ୍ଟ୍ରେଲିୟ ଇନୋଭେସନ୍ ପେଟେଣ୍ଟ(ଆଇ.ପି.) ଏବଂ ଅନୁଦାନକୁ ସୁରକ୍ଷିତ କରିବାରେ ସଫଳ ହୋଇଛନ୍ତି।
ମେଶିନ ଲର୍ଣ୍ଣି ହେଉଛି କୃତ୍ରିମ ବୁଦ୍ଧିମତା।ଏହା କମ୍ପ୍ୟୁଟର ପ୍ରୋଗ୍ରାମର ବିକାଶ ଉପରେ ବିଶେଷ ଧ୍ୟାନ ଦେଇଥାଏ। ଏହାଛଡ଼ା ଇଣ୍ଟରନେଟ୍ ମାଧ୍ୟମରେ ଅନ୍ୟାନ୍ୟ ଉପକରଣ ତଥା ତଥ୍ୟ ସଂଯୋଗ ଓ ଆଦାନ ପ୍ରଦାନ କ୍ଷେତ୍ରରେ ଏହା କାର୍ଯ୍ୟ କରିପାରିବ। ଏହି ଗବେଷଣା ଅନ୍ୟମାନଙ୍କୁ ନୂତନ ମାର୍ଗ ପ୍ରଦର୍ଶନ କରିବ। ମଣିପାଲ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜୀରେ ଭଦ୍ରକ ନୂଆଶାସନ ଅଞ୍ଚଳର ରଞ୍ଜିତ ଅଧୁନା କମ୍ପ୍ୟୁଟର ଆପ୍ଲିକେଶନ୍ ବିଭାଗରେ ଆସିଷ୍ଟାଣ୍ଟ ପ୍ରଫେସର ଭାବେ କାର୍ଯ୍ୟରତ ଥିବା ବେଳେ ସମ୍ବଲପୁର ବାବୁବନ୍ଧର ଆକାଶ ସେଠାରେ ଇଲେକ୍ଟ୍ରିକାଲ୍ ଏବଂ ଇଲୋକ୍ଟ୍ରୋନିକ୍ସ ଇଞ୍ଜିନିୟରିଂ ବିଭାଗରେ ଆସିଷ୍ଟାଣ୍ଟ ପ୍ରଫେସର ଭାବେ କାର୍ଯ୍ୟରତ ଅଛନ୍ତି। ଏହାଛଡ଼ା କେନ୍ଦୁଝର ରଘୁନାଥପୁରନିବାସୀ ପ୍ରଦୀପ କିଟ୍ ଡିମ୍ଡ ୟୁନିଭର୍ସିଟିରେ ଆସୋସିଏଟ୍ ପ୍ରଫେସର ଭାବେ କାର୍ଯ୍ୟରତ ଅଛନ୍ତି। ଓଡ଼ିଆ ପୁଅ ଭାବେ ଏଭଳି ସଫଳତା ପାଇଥିବାରୁ ସେମାନଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି।
