ବଲାଙ୍ଗୀର ଅଫିସ,୧୮ା୧୦: କଳାହାଣ୍ଡି ଜିଲା ମହାଲିଙ୍ଗ ଗ୍ରାମର ଏକ ଘରୋଇ ସ୍କୁଲ ଅଧ୍ୟକ୍ଷା ନିଖୋଜ ଘଟଣାରେ ଅଟକ ଥିବା ସ୍କୁଲ ମାଲିକ ଗୋବିନ୍ଦ ସାହୁ ଟିଟିଲାଗଡ଼ ପୋଲିସ ହେପାଜତରୁ ଚମ୍ପଟ ମାରିବା ଘଟଣାରେ ସୋମବାର ୩ ପୋଲିସ କର୍ମଚାରୀ ନିଲମ୍ବିତ ହୋଇଛନ୍ତି। କର୍ତ୍ତବ୍ୟରେ ଅବହେଳା କରିଥିବା ନେଇ ଏହି ପୋଲିସ କର୍ମଚାରୀଙ୍କୁ ନିଲମ୍ବତ କରାଯାଇଥିବା ସୂଚନା ମିଳିଛି।
ରବିବାର ରାତିରୁ ଗୋବିନ୍ଦ ସାହୁ ଚମ୍ପଟ ମାରିଥିବା କୁହାଯାଉଛି। ଗତ ୮ ତାରିଖରୁ ସ୍କୁଲ ଅଧ୍ୟକ୍ଷା ନିଖୋଜ ହୋଇଥିବା ନେଇ ସିନ୍ଧେକେଲା ଥାନାରେ ଅଭିଯୋଗ ହୋଇଥିଲା। ଏହି ଘଟଣାରେ ପୋଲିସ ସ୍କୁଲ ମାଲିକ ସାହୁଙ୍କୁ ଥାନାକୁ ଆଣିଥିଲେ ଅଟକ ରଖିଥିଲେ। ଥାନାରୁ ଟିଟିଲାଗଡ଼ ପୋଲିସ ହେପାଜତକୁ ସାହୁଙ୍କୁ ପଚରାଉଚରା ପାଇଁ ନେଇ ଥିବାବେଳେ ସେଠାରୁ ଚମ୍ପଟ ମାରିଥିବା କୁହାଯାଉଛି।