ମାଲକାନଗିରି,୧୫ା୬(ଦୁର୍ଯ୍ୟୋଧନ ପାତ୍ର): ଛତିଶଗଡ଼ରେ ମାଓବାଦୀଙ୍କ ପ୍ରାଦୁର୍ଭାବ ଦିନକୁ ଦିନ ବଢ଼ିବାରେ ଲାଗିଛି। ସୁକ୍ମା ଜିଲା କଙ୍ଗାଲତୋଙ୍ଗ ଜଙ୍ଗଲରେ ଡିଆର୍ଜି, ବସ୍ତର ଫାଇଟର୍ସ ଓ କୋବ୍ରା ବାହିନୀର ଯବାନମାନେ ଶନିବାର କୋମ୍ବିଂ ସମୟରେ ମାଓବାଦୀଙ୍କ ସହ ମୁହାଁମୁହିଁ ହେବା ସହ ଗୁଳି ବିନିମୟ ଘଟିଥିଲା। ଏଥିରେ ଯବାନମାନଙ୍କ ଆକ୍ରମଣକୁ ସାମ୍ନା କରି ନ ପାରି ମାଓବାଦୀମାନେ ଛତ୍ରଭଙ୍ଗ ଦେଇଥିଲେ ା ପରେ ଯବାନମାନେ ଉକ୍ତ ଅଞ୍ଚଳରେ ସର୍ଚ୍ଚ ଅପରେଶନ କରୁଥିବା ସମୟରେ ମାଟିତଳୁ ମାଓବାଦୀଙ୍କ ଡମ୍ପ ଠାବ କରିଥିଲେ। ଡମ୍ପରୁ ବିପୁଳ ପରିମାଣର ବିସ୍ଫୋରକ, ଗୁଳିଗୋଳା ଓ ସାମଗ୍ରୀ ସମେତ ୩ ହାଇଟେକ୍ ସ୍ନାଇପର ଜାକେଟକୁ ଠାବ କରିଛନ୍ତି। ମାଓବାଦୀମାନେ ବିଭିନ୍ନ ଉପାୟରେ ପୋଲିସ ଓ ଯବାନମାନଙ୍କ ଉପରେ ଆକ୍ରମଣ କରୁଥିବା ବେଳେ ସେମାନେ ବିଭିନ୍ନ ନୂଆ ପନ୍ଥା ଅବଲମ୍ବନ କରୁଛନ୍ତି। ଇତିମଧ୍ୟରେ ମାଓବାଦୀମାନେ ନିର୍ମାଣ କରିଥିବା ଏକ କଣ୍ଟା ବିଛା ଗର୍ତ୍ତକୁ ଯବାନମାନେ ଠାବ କରିଥିଲେ।
