ଅମରପାଲି,୧୬।୯(ପୀତାମ୍ବର ସାହୁ): ସୁବର୍ଣ୍ଣପୁର ଜିଲା ସୁବଳୟା ଥାନା ଅନ୍ତର୍ଗତ କମିରା ପଞ୍ଚାୟତର ଆମ୍ବଶରଭଟା ଗ୍ରାମରେ ଗୁରୁବାର ଦିନ ଚାଷ ଜମିରେ ପାଣି ମଡାଇବାକୁ ନେଇ ହତ୍ୟାକାଣ୍ଡ ଘଟିଥିଲା। ଏହି ଘଟଣାରେ ୪ ଅଭିଯୁକ୍ତଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତମାନେ ହେଲେ ଆମ୍ବଶରଭଟା ଗ୍ରାମର କୁଞ୍ଜବିହାରୀ ସାହୁ(୬୦) ଏବଂ ତାଙ୍କର ତିନି ପୁଅ ରଞ୍ଜିତ(୩୫), ରଞ୍ଜନ(୩୦) ଓ ରାଜେନ୍ଦ୍ର (୩୭)। ସେମାନଙ୍କୁ କୋର୍ଟ ଚାଲାଣ କରାଯାଇଛି। ସୂଚନାଯୋଗ୍ୟ, ଅଭିଯୁକ୍ତମାନେ ଆମ୍ବଶରଭଟା ଗ୍ରାମର ମଝି ଦାଣ୍ଡରେ ସଂଘବଦ୍ଧ ଭାବେ ଗ୍ରାମର ବାସୁଦେବ ସାହୁ(ବଙ୍କା) ଓ ତାଙ୍କ ପୁଅ ସୁରେନ୍ଦ୍ର ସାହୁଙ୍କୁ ଆକ୍ରମଣ କରିଥିଲେ। ଫାର୍ସ ଚୋଟରେ ବାସୁଦେବଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ସୁରେନ୍ଦ୍ର ଗୁରୁତର ହୋଇ ବୁର୍ଲା ବଡ଼ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି। ଏହାକୁ ନେଇ ବାସୁଦେବଙ୍କ ବଡ଼ ପୁଅ ମହର୍ଗୁଙ୍କ ଅଭିଯୋଗ ଆଧାରରେ ସୁବଳୟା ଥାନାରେ ଏକ ମାମଲା (ନଂ ୧୫୨/୨୩) ରୁଜୁ ହୋଇଥିଲା।