ପରଜଙ୍ଗ,୩୧।୧(ଡି.ଏନ୍.ଏ.): ଢେଙ୍କାନାଳ ଜିଲା ପରଜଙ୍ଗ ରାଜସ୍ବ ବିଭାଗ ରବିବାର ବାରିହାପୁରଠାରେ ଚଢ଼ାଉ କରି ୩ ମୁଗୁନି ପଥର ହାଇୱା ଜବତ କରିଛି। ଏହା ପରଜଙ୍ଗ ବ୍ଲକ ଦେଇ ଯାଉଥିବା ଅନଗୁଳ- ସୁକିନ୍ଦା-ଡୁବୁରୀ ରେଳପଥ ନିର୍ମାଣ ପ୍ରକଳ୍ପ କାର୍ଯ୍ୟରେ ବ୍ୟବହୃତ ନିମନ୍ତେ ଚୋରା ଚାଲଣ ହେଉଥିବା ସୂଚନା ମିଳିଥିଲା। ଖବର ପାଇ ରାଜସ୍ବବିଭାଗ ଚଢ଼ାଉ କରିଥିଲେ । ଚଢ଼ାଉ ବେଳେ ୩ ଟି ହାଇୱା ଜବତ ହେବା ସହ ଗାଡ଼ିଗୁଡ଼ିକୁ ୧ଲକ୍ଷ ୯୦ହଜାର ହଜାର ଜରିିମାନା କରାଯାଇଥିଲା। ପରେ ଗାଡ଼ି ମାଲିକ ସୁଶାନ୍ତ ପଟ୍ଟନାୟକ ସମସ୍ତ ଜୋରିମାନା ଟଙ୍କା ରାଜସ୍ବ କାର୍ଯ୍ୟାଳୟରେ ପୈଠ କରିବାପରେ ଗାଡ଼ିଗୁଡିକୁ ଛଡାଯାଇଛି ।