ଇସଲାମାବାଦ,୨୮।୫: ପାକିସ୍ତାନର ଗିଲଗିଟ୍-ବାଲ୍ତିସ୍ତାନ ଅଞ୍ଚଳରେ ହିମସ୍ଖଳନ ଯୋଗୁ ୧୦ ଜଣଙ୍କର ମୃତ୍ୟୁ ଘଟିଥିବା ବେଳେ ୨୫ ଜଣ ଆହତ ହୋଇଛନ୍ତି ବୋଲି ପୋଲିସ କହିଛି।
ପୋଲିସର ସୂଚନାନୁସାରେ, ପାର୍ବତ୍ୟ ଅଞ୍ଚଳର ଆସ୍ତୋର ଜିଲାର ଶଣ୍ଟର୍ ଟପ୍ ଅଞ୍ଚଳରେ ତିନିଜଣ ମହିଳାଙ୍କ ସମେତ ୧୦ ଜଣଙ୍କର ମୃତ୍ୟୁ ଘଟିଛି। ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କାର୍ଯ୍ୟ କରାଯାଇଥିଲା ଏବଂ ପରେ ପାକିସ୍ତାନୀ ସେନାମାନେ ମଧ୍ୟ ଏହି ଅପରେଶନରେ ଯୋଗ ଦେଇଥିଲେ ବୋଲି ପୋଲିସ କହିଛି।