କୋରାପୁଟ,୨୫ା୭(ସ୍ବ.ପ୍ର.): କୋରାପୁଟ ଜିଲାରେ ଶନିବାର ପୁଣି ୩୦ ପଜିଟିଭ୍ ଚିହ୍ନଟ ହୋଇଥିବାବେଳେ ଜିଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୪୪୧କୁ ବୃଦ୍ଧି ପାଇଥିବା ଜିଲାପାଳ ମଧୁସୂଦନ ମିଶ୍ର ସୂଚନା ଦେଇଛନ୍ତି। ଆଜି ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ୨୧ ଜଣ ପୁରୁଷ ଓ ୯ ଜଣ ମହିଳା ରହିଛନ୍ତି। ଜିଲାରେ ଚିହ୍ନଟ ୩୦ ଜଣଙ୍କ ମଧ୍ୟରେ ଟିଏମ୍ସି କ୍ୱାରାଣ୍ଟାଇନ୍ରୁ ୪ ଜଣ, ଘରୋଇ କ୍ୱାରାଣ୍ଟାଇନ୍ରୁ ୪ ଜଣ ଏବଂ ପୂର୍ବ ପଜିଟିଭ୍ଙ୍କ ସଂସ୍ପର୍ଶରେ ଆସି ୨୨ ଜଣ ସ୍ଥାନୀୟ ସଂକ୍ରମିତ ହୋଇଛନ୍ତି। ଚିହ୍ନଟଙ୍କ ମଧ୍ୟରେ କୋରାପୁଟ ମ୍ୟୁନିସିପାଲିଟିରୁ ୯, ଫାୟାର ଷ୍ଟେଶନ ଅଞ୍ଚଳରୁ ୫, ରାମନଗର ଅଞ୍ଚଳରୁ ଜଣେ , ଓଏମ୍ପି କଲୋନୀରୁ ୨ ଜଣ, ରେଲୱେ କଲୋନୀରୁ ଜଣେ ଓ କୋରାପୁଟ ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରୁ ଜଣେ। ସେହିପରି ଜୟପୁର ମ୍ୟୁନିସିପାଲିଟିରୁ ୭ଜଣ, ଭୁପତି ସାହିରୁ ୨ଜଣ, ଇରିଗେସନ କଲୋନୀ ଅଞ୍ଚଳରୁ ୨ , ପିଆର ପେଟାରୁ ଜଣେ, ଜୟନଗରରୁ ଜଣେ, ନିଳାଦ୍ରୀବିହାରରୁ ଜଣେ, ସୁନାବେଡ଼ା ମ୍ୟୁନିସିପାଲିଟିରୁ ଜଣେ, କୋରାପୁଟ ବ୍ଲକରୁ ୨, ଲକ୍ଷ୍ମୀପୁର ବ୍ଲକରୁ ୬, ଲମତାପୁଟ ବ୍ଲକରୁ ଜଣେ, ନାରାୟଣପାଟଣା ବ୍ଲକରୁ ୪ ଜଣ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ ୪ ଜଣ ଆନ୍ଧ୍ର ଫେରନ୍ତା, ଜଣେ ବାଙ୍ଗାଲୋର ଫେରନ୍ତା, ଜଣେ ମହାରାଷ୍ଟ୍ର ଫେରନ୍ତା, ୨ଜଣ ଭୁବେନେଶ୍ୱର ଫେରନ୍ତା ରହିଥିବାବେଳେ ୨୨ ଜଣ ସ୍ଥାନୀୟ ସଂକ୍ରମିତ। ଚିହ୍ନଟ ପଜିଟିଭ୍ଙ୍କ ମଧ୍ୟରେ ଜଣେ ସ୍ବାସ୍ଥ୍ୟ କର୍ମଚାରୀ(ଜିଏନ୍ଏମ୍) ମଧ୍ୟ ଅଛନ୍ତି।
