ଯାଜପୁର ଅଫିସ,୩୧।୩: ଯାଜପୁର ଜିଲା ବ୍ୟାସନଗର ସହରରେ ଗୁରୁବାର ଅପରାହ୍ନ ସାଢେ ୪ଟାରେ ପ୍ରାୟ ୨୦ ମିନିଟ ପବନରେ ୩୦ରୁ ଊଦ୍ଧର୍ବ ବିଦ୍ୟୁତ୍ ଖୁଣ୍ଟ ଭାଙ୍ଗି ପଡିଛି। ୧୯୯୯ ମହାବାତ୍ୟା ଭଳି ପ୍ରବଳ ବେଗରେ ପବନ ବୋହିବାରୁ ସହରର ଛିନଭିନ ହୋଇ ପଡିଛି। ପାଣିପାଗ ବିଭାଗର କୌଣସି ପୁର୍ବାନୁମାନ ନ ଥିବାରୁ ସହରବାସୀ ନାହିଁ ଥିବା ସମସ୍ୟାର ସମ୍ମୁଖୀନ ହୋଇଛନ୍ତି। ଅନ୍ୟପକ୍ଷେ ବିଦ୍ୟୁତ୍ ସରବରାହ ଶୁକ୍ରବାର ସା ପରେ ସ୍ବାଭାବିକ ହେବ ବୋଲି ବିଭାଗ ପକ୍ଷରୁ ସୂଚିତ କରାଯାଇଛି। ଏଭଳି ସ୍ଥିତିରେ ସହରବାସୀ ପାଣି ବାଲ୍ଟିଏ ପାଇଁ ହଇରାଣ ହେଉଛନ୍ତି ା ପ୍ରବଳ ବେଗରେ ପବନ ବୋହିବା ଯୋଗୁ ସହରର ଦଳାଛକଠାରୁ ଜହ୍ନା ପର୍ଯ୍ୟନ୍ତ ପ୍ରାୟ ୧୦ଟି ବିଦ୍ୟୁତ ଖୁଣ୍ଟ ରାସ୍ତା ଉପରେ ଶୋଇ ପଡିଛି। ଏହି ରାସ୍ତାରେ ଥିବା ରିଲାଏନ୍ସ ଘର ସହ ଅନ୍ୟାନ୍ୟ ଦୋକାନ ଗୃହରେ ଫାଟ ସୃଷ୍ଟି ହୋଇଥିବା ସୂଚନା ମିଳିଛି। ରିପୋର୍ଟ ଲେଖା ହେବାଯାଏ ଏହି ବ୍ୟସ୍ତବହୁଳ ରାସ୍ତାରେ ଗମନାଗମନ ବାଧାପ୍ରାପ୍ତ ହୋଇଛି। ଏହାବାଦ୍ ଇନ୍ଦିରା ଗାନ୍ଧୀ ମହିଳା କଲେଜ ଓ ଶଙ୍ଖଚିଲା ରାସ୍ତାରେ ପ୍ରାୟ ୧୫ଟି ବିଦ୍ୟୁତ ଖୁଣ୍ଟ ଭାଙ୍ଗି ଯାଇଛି। ସହରର ବିଭିନ୍ନ ସ୍ଥାନରେ ୧୦ରୁ ଊଦ୍ଧର୍ବ ବିଦ୍ୟୁତ ଖୁଣ୍ଟ ପଡି ଯାଇଛି। ଗୁରୁବାର ଅପରାହ୍ନ ୪ଟା ପୂର୍ବରୁ ପାଗ ଅନୁକୁଳ ଥିଲେ ହେଁ ଦିନସାରା ବିଦ୍ୟୁତ୍ ସରବରାହ ପ୍ରାୟ ବନ୍ଦ ଥିଲା। ଏଭଳି ସ୍ଥିତିରେ ୱାଟ୍କୋ ପକ୍ଷରୁ ଜଳଯୋଗାଣ ହୋଇ ପାରି ନ ଥିଲା। ଫଳରେ ପ୍ରାୟ ଦେଢ ଲକ୍ଷ ସହରବାସୀ ପାଣି ଅପେକ୍ଷାରେ ରହିଥିଲେ। ତେଣୁ ଶୁକ୍ରବାର ସା ପର୍ଯ୍ୟନ୍ତ ୱାଟ୍କୋ ଟ୍ୟାଙ୍କର ଯୋଗେ ଜଳ ଯୋଗାଣ ନ କଲେ ପରିସ୍ଥିତି ସାଂଘାତିକ ହେବ ବୋଲି ମତପ୍ରକାଶ ପାଇଛି।