ବ୍ରହ୍ମପୁର ଅଫିସ,୨।୨: ବ୍ରହ୍ମପୁର ଶିଳ୍ପ ତାଲିମ ଅନୁଷ୍ଠାନ (ଆଇଟିଆଇ) ସହିତ ଯୋଡ଼ି ହୋଇଛି ପୁଣି ଏକ କୀର୍ତ୍ତି ା ଏହାର କ୍ୟାମ୍ପସରେ ଥିବା ଏସିଆର ସର୍ବବୃହତ ସ୍କ୍ରାପ୍ ପାର୍କରେ ଅଦରକାରୀ ଲୁହାରେ ୩୦ ଫୁଟ ଉଚ୍ଚତା ବିଶିଷ୍ଟ ଭାରତ ମାନଚିତ୍ରକୁ ସୋମବାର ମୁଖ୍ୟଅତିଥି ଭାବେ ଯୋଗଦେଇ ଓଡ଼ିଶା ଦକ୍ଷତା ବିକାଶ ମିଶନ ଅଧ୍ୟକ୍ଷ ସୁବ୍ରତ ବାଗ୍ଚୀ ଉଦ୍ଘାଟନ କରିଛନ୍ତି। ବ୍ରହ୍ମପୁର ଆଇଟିଆଇ ସହ ଯୋଡିହୋଇଛି ଆବେଗର ଭିତ୍ତିଭୂମି। ଏଠାକାର ପରିବେଶ ଓ ଶୈକ୍ଷିକ ବାତାବରଣ ନିଆରା ା ଶାରୀରିକ ଓ ଯାନ୍ତ୍ରିକ ଭିତ୍ତିଭୂମି କରିବା ସହଜ କିନ୍ତୁ ଆବେଗର ଭିତ୍ତିଭୂମି ସୃଷ୍ଟି କରିବା କଷ୍ଟ ବୋଲି ବାଗ୍ଚୀ କହିଥିଲେ ା ସେ ଆହୁରି କହିଛନ୍ତି, କ୍ୟାମ୍ପସ ପରିସରରେ ନୂତନ ଭାବେ ନିର୍ମାଣ କରାଯାଇଥିବା ଛାତ୍ରୀ ନିବାସକୁ ଉଦ୍ଘାଟନ କରି ମୁଁ ବହୁତ ଖୁସି। କାରଣ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଥିଲା ଆଇଟିଆଇରେ ୩୩ ପ୍ରତିଶତ ଝିଅ ରହିବା ଦରକାର। ଅନ୍ୟ ଅତିଥିଙ୍କ ମଧ୍ୟରେ ସୂଚନା ଓ ଲୋକସର୍ମ୍ପକ ବିଭାଗ କମିଶନର ସଞ୍ଜୟ ସିଂ, ଡିଆରଡିଏ ପ୍ରକଳ୍ପ ନିର୍ଦ୍ଦେଶକ ସିନ୍ଧେ ଦତ୍ତାତ୍ରେୟ ଭାଇସାହେବ, ଉପଜିଲାପାଳ ଭି.କୀର୍ତ୍ତି ଭାସନ, ମହାନଗର ନିଗମ କମିଶନର ସିଦ୍ଧେଶ୍ୱର ବଳିରାମ ବୋନ୍ଦର, ଟାଟା କମ୍ପାନୀ (ସିଏସ୍ଆର)ମୁଖ୍ୟ କ୍ୟାପେଟେନ୍ ଅମିତାଭ ବଚନ, ଆଇଟିଆଇ ଅଧ୍ୟକ୍ଷ ଡ. ରଜତ କୁମାର ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ ା