ଶ୍ରୀନଗର,୮।୭: ନିୟନ୍ତ୍ରଣ ରେଖା ନିକଟରେ ଥିବା ଲଞ୍ଚପ୍ୟାଡ୍ରେ ପ୍ରାୟ ୩୦୦ ଆତଙ୍କବାଦୀ ଭାରତରେ ଅନୁପ୍ରବେଶ ପାଇଁ ସୁଯୋଗକୁ ଅପେକ୍ଷା କରି ରହିଛନ୍ତି। ଭାରତରେ ପ୍ରବେଶ କରି ଆତଙ୍କବାଦ କାର୍ଯ୍ୟ କରିବା ଲାଗି ସେମାନ ଷଡ଼ଯନ୍ତୟ ରଚିଥିବା ଡିଜିପି ଦିଲ୍ବାଗ୍ ସିଂ ସୂଚନା ଦେଇଛନ୍ତି। ଇତିମଧ୍ୟରେ ମିଳିତ ସୁରକ୍ଷାକର୍ମୀ ୫୦ ଆତଙ୍କବାଦୀଙ୍କୁ ଏନ୍କାଉଣ୍ଟର କରିଥିବା ସେ କହିଛନ୍ତି। ସୀମା ପାର୍ ଚୋରା କାରବାର ଏବେ ମଧ୍ୟ ଜାରି ରହିଥିବା ସେ କହିଛନ୍ତି। ତେବେ ଅନୁପ୍ରବେଶ ଘଟଣା କମିଛି। ସୁରକ୍ଷା ଦୃଷ୍ଟିରୁ ନିୟନ୍ତ୍ରଣ ରେଖାରେ ପାଟ୍ରୋଲିଂକୁ କଡ଼ାକଡ଼ି କରାଯାଇଛି। ଜମ୍ମୁ-କଶ୍ମୀରରେ ନୂଆ ଆତଙ୍କବାଦୀ ନିଯୁକ୍ତି ପ୍ରକ୍ରିୟା କମ୍ ହୋଇଛି। ସୁରକ୍ଷାକର୍ମୀଙ୍କ ଆତଙ୍କବାଦ ବିରୋଧୀ ଅପରେଶନ୍ ଲାଗି ରହିଥିବା ଯୋଗୁ ସ୍ଥାନୀୟ ଯୁବବର୍ଗ ଆତଙ୍କବାଦୀ ସଂଗଠନରେ ଯୋଗଦେବାକୁ ଆଗ୍ରହ ପ୍ରକାଶ କରୁ ନାହାନ୍ତି। ସେହିପରି ସରକାରୀ ଯୋଜନାରେ ଯୁବବର୍ଗଙ୍କୁ ସାମିଲ କରାଯିବା ସହିତ ସଚେତନତା ସୃଷ୍ଟି ଜାରି ରହିଛି। ଫଳରେ ଯୁବବର୍ଗ ଆତଙ୍କବାଦ ପ୍ରତି ଆଗ୍ରହ ପ୍ରକାଶ କରୁ ନ ଥିବା ଡିଜିପି କହିଛନ୍ତି।
