ପୁଣେ,୧୦।୩: ମହାରାଷ୍ଟ୍ରର ପୁଣେ ଅଞ୍ଚଳରୁ ଗୁପ୍ତଧନର ସନ୍ଧାନ ମିଳିଛି। ଜଣେ ଲୋକ ଏସବୁ ଲୁଚାଇ ରଖିଥଲେ। ସୂଚନା ଆଧାରରେ ପିମ୍ପିରି ଚିନଚ୍ବାଡ୍ର କ୍ରାଇମ୍ ବ୍ରାଞ୍ଚ୍ ୟୁନିଟ୍ ସମ୍ପୃକ୍ତ ବ୍ୟକ୍ତିଙ୍କ ଘରେ ପହଞ୍ଚି ୩୦୦ ବର୍ଷ ପୁରୁଣା ୨୧୬ ସ୍ବର୍ଣ୍ଣମୁଦ୍ରା ଜବତ କରିଛନ୍ତି। ଏହା ସହିତ ୫୨୫ ଗ୍ରାମ୍ ଓଜନର ଏକ ଲୋଟା ମଧ୍ୟ ଜବତ ହୋଇଛି। ସ୍ଥାନୀୟ ନେହେରୁ ନଗର ଅଞ୍ଚଳର ବାସିନ୍ଦା ସଦ୍ଦାମ ଓଳାର ଖାଁ ପଠାଣଙ୍କ ପାଖରେ ପୁରାତନ ସ୍ବର୍ଣ୍ଣମୁଦ୍ରା ଥିବା ସୂଚନା ମିଳିଥିଲା। ସେମାନେ ଘର ପାଖ ଜମି ଖୋଳିବା ସମୟରେ ସ୍ବର୍ଣ୍ଣମୁଦ୍ରା ଭର୍ତ୍ତି ଲୋଟା ପାଇଥିଲେ। ସ୍ବର୍ଣ୍ଣମୁଦ୍ରାରେ ଉର୍ଦ୍ଦୁ ଏବଂ ଆରବିକ୍ ଭାଷାରେ ରାଜା ମହମ୍ମଦ ଶାହା ଖୋଦିତ ହୋଇଛି। ଏଗୁଡ଼ିକ ୧୭୨୦ରୁ ୧୭୫୦ ମସିହାର ବୋଲି ଅନୁମାନ କରାଯାଉଛି। ପ୍ରତି ସ୍ବର୍ଣ୍ଣମୁଦ୍ରାର ଓଜନ ୧୦.୮ ଗ୍ରାମ୍ ରହିଛି। ଏହାର ଦାମ୍ ବର୍ତ୍ତମାନ ପ୍ରାୟ ୭୦ ହଜାର ଟଙ୍କା ହେବ। ସମସ୍ତ ସ୍ବର୍ଣ୍ଣମୁଦ୍ରା ଦାମ୍ ୧୫ କୋଟି ଲକ୍ଷେ ୨୦ ହଜାର ହେବ ବୋଲି କ୍ରାଇମ୍ ବ୍ରାଞ୍ଚ୍ ପକ୍ଷରୁ କୁହାଯାଇଛି। ଏଗୁଡ଼ିକୁ ପ୍ରତ୍ନତତ୍ତ୍ୱ ବିଭାଗକୁ ହସ୍ତାନ୍ତର କରାଯାଇଛି। ଏହିମାମଲାରେ ୨ ଜଣଙ୍କୁ ପୋଲିସ ହେପାଜତରେ ରଖାଯାଇ ପଚରାଉଚରା କରାଯାଉଛି।